Vivo: వివోకి ఊహించని డిమాండ్.. 19.1 మిలియన్ మొబైల్స్ డెలివరీ!

Vivo: భారతీయ మార్కెట్‌లో స్మార్ట్‌ఫోన్లకు డిమాండ్ ఎక్కువగా ఉంది. ఈ క్రమంలోనే దేశంలోకి అనేక సరికొత్త బ్రాండ్లు ఎంట్రీ ఇస్తుంటాయి. వాటిలో షియోమి, వివో, రియల్‌మి, పోకో, మోటో, సామ్‌సంగ్, టెక్నోతో పాటు అనేక కంపెనీలు ఉన్నాయి. ఈ కంపెనీలన్నీ బడ్జెటె ధరలోనే ఆండ్రాయిడ్ ఫోన్‌లను మార్కెట్‌లోకి ప్రవేశపెట్టాయి. తాజాగా Canalys పరిశోధన నివేదిక ప్రకారం, Q3 2024లో భారతీయ స్మార్ట్‌ఫోన్ షిప్‌మెంట్‌లలో 9 శాతం పెరుగుదల ఉంది.

ప్రస్తుత త్రైమాసికంలో దేశీయ మార్కెట్‌లో మొబైల్ షిప్‌మెంట్‌లు పెరిగాయని కెనాలిస్ పరిశోధన నివేదించింది. మొబైల్ షిప్‌మెంట్‌లలో మొత్తం పెరుగుదల ఉంది. మొబైల్ బ్రాండ్‌లను పరిశీలిస్తే Vivo మార్కెట్‌లో 19 శాతా వాటాను కలిగి ఉంది. ఇది 19.1 మిలియన్ మొబైల్ యూనిట్లను రవాణా చేసింది. ఇది అత్యధిక మొబైల్ యూనిట్లను షిప్పింగ్ చేసిన బ్రాండ్‌గా నిలిచింది.

వివో తర్వాత  షియోమి 7.8 మిలియన్ మొబైల్ యూనిట్లను రవాణా చేసి రెండవ స్థానంలో ఉంది. దక్షిణ కొరియా బ్రాండ్ సామ్‌సంగ్  7.5 మిలియన్ మొబైల్ యూనిట్లను రవాణా చేసింది. అదేవిధంగా Q3 2024లో ఒప్పో 6.3 మిలియన్ మొబైల్ యూనిట్ల షిప్‌మెంట్‌లను చూసింది.

ఇప్పుడు Realme కంపెనీ 5.3 మిలియన్ మొబైల్ యూనిట్లను రవాణా చేసింది. ఇది కాకుండా స్మార్ట్‌ఫోన్ కంపెనీలు మొత్తం 11.1 మిలియన్ మొబైల్ యూనిట్లను రవాణా చేశాయి. 2024 క్యూ2తో పోలిస్తే ఈ ఏడాది క్యూ3లో మొబైల్ షిప్‌మెంట్లు 9 శాతం పెరిగాయి.

వివో ఇటీవలి కాలంలో విడుదల చేసిన T2, T3 సిరీస్ స్మార్ట్‌ఫోన్‌లకు చౌక, బడ్జెట్ విభాగంలో అధిక డిమాండ్ కలిగి ఉన్నాయి. కంపెనీకి చెందిన వివో వి30ఇ, వివో వి30 సిరీస్, వివో వి40 సిరీస్ ఫోన్‌లు మిడ్‌రేంజ్ సెగ్మెంట్‌లో చాలా మంది దృష్టిని ఆకర్షించాయి.

Vivo T2, T2x, T2 Pro,  T3, T3x, T3 Pro, T3 Ultra 5G మొబైల్‌లు బడ్జెట్ ధరలో కొనడానికి అందుబాటులో ఉన్నాయి. ఈ ఫోన్‌లలో మంచి కెమెరా, మల్టీ టాస్కింగ్ సపోర్ట్‌తో కూడిన ప్రాసెసర్, ఆకర్షణీయమైన డిజైన్‌తో సహా ముఖ్యమైన ఫీచర్లు, ఎంపికలు ఉన్నాయి. Vivo మొబైల్ షిప్‌మెంట్‌లు పెరగడానికి దారితీసిన అంశాలలో ఇవి కూడా ఉండవచ్చు.

ప్రపంచవ్యాప్త స్మార్ట్‌ఫోన్ విశ్లేషణ సేవను అందించే ఇతర సంస్థల కంటే ముందు కెనాలిస్ షిప్‌మెంట్ అంచనాల సమగ్ర దేశ-స్థాయి వీక్షణను అందిస్తుంది. ఇది త్రైమాసిక మార్కెట్ వాటా డేటా, సమయానుకూల చరిత్ర డేటా ట్రాకింగ్,  స్టోరేజ్, ప్రాసెసర్‌లు, మెమరీ, కెమెరాలు, అనేక ఇతర స్పెసిఫికేషన్‌లవివరణాత్మక విశ్లేషణను కూడా అందిస్తుంది.