Realme Neo 7 Launched: రియల్‌మి నుంచి కొత్త ఫోన్.. ఫీచర్లు వేరే లెవల్.. మరో రెండు రోజుల్లో వచ్చేస్తోంది..!

Realme Neo 7 Launched: టెక్ బ్రాండ్ రియల్‌మి నుంచి ఎంతగానో ఎదురుచూస్తున్న స్మార్ట్‌ఫోన్ Realme Neo 7ను డిసెంబర్ 11న విడుదల చేయడానికి సిద్ధంగా ఉంది. ఈ సిరీస్‌లో బ్రాండ్ ఫోన్‌ను అఫిషియల్‌గా టీజ్ చేసింది. దీంతో ప్రజల ఉత్సాహం రెట్టింపు అయింది. అయితే తాజాగా ఈ స్మార్ట్‌ఫోన్ కొన్ని ఫీచర్లు, స్పెసిఫికేషన్లను ఆవిష్కరించింది. ముఖ్యంగా వాటర్‌ఫ్రూప్ కెపాసిటీ, స్టైలిష్ డిజైన్, పవర్ ఫుల్ ప్రాసెసర్ వంటి ఫీచర్లతో కూడిన ఫోన్. ఈ స్మార్ట్‌‌ఫోన్ గురించి పూర్తి వివరాలు తెలుసుకుందాం.

తాజా టీజర్ సూచించినట్లుగా ఫోన్ IP69, IP68 డస్ట్, వాటర్-రెసిస్టెంట్ రేటింగ్‌లకు సపోర్ట్ ఇస్తుంది.  Neo7 వేడి నీటి వల్ల కూడా పాడైపోదని, 30 నిమిషాల పాటు 2 మీటర్ల నీటిలో మునిగిన తర్వాత కూడా పని చేస్తుందని రియల్‌మి పేర్కొంది. ఇది మాత్రమే కాదు, Neo7 హ్యాండ్‌సెట్ హై ప్రెసర్ వాటర్ జెట్‌లను కూడా తట్టుకోగలదు. అంటే ఈ ఫోన్ కష్టతరమైన పరిస్థితులను కూడా తట్టుకోగలదు. ఈ ఫీచర్ అవుట్‌డోర్ యాక్టివిటీస్‌ను ఇష్టపడే లేదా కఠినమైన పరిస్థితుల్లో కూడా పని చేయగల ఫోన్ కోసం చూస్తున్న వారికి ప్రత్యేకంగా ఆకర్షణీయంగా ఉంటుంది.

డిజైన్ పరంగా రాబోయే Realme Neo 7 కొత్త “స్టార్ స్టెప్” డిజైన్‌తో అద్భుతమైన వెనుక కెమెరా మాడ్యూల్‌ను కలిగి ఉంది, ఇది ఖచ్చితమైన మెటల్ ప్రాసెసింగ్ ద్వారా రూపొందించారు. ఈ సొగసైన డిజైన్, ఫ్లాట్ స్క్రీన్, నిటారుగా ఉండే మిడ్ ఫ్రేమ్, ఛాంఫెర్డ్ బ్యాక్ ప్యానెల్ లైన్‌లతో కలిపి, “స్టార్‌షిప్ స్పేస్” డిజైన్ కలిగి ఉంటుంది. ఫోన్ ఈ స్టైలిష్  రూపాన్ని వినియోగదారులు ఇష్టపడతారని భావిస్తున్నారు. Realme  Neo7 పెద్ద 7000mAh టైటాన్ బ్యాటరీని కలిగి ఉన్నప్పటికీ ఇది కేవలం 8.5mm స్లిమ్ ప్రొఫైల్‌ను నిర్వహిస్తుంది, ఇది దాని ముందున్న Realme GT నియో 6 కంటే సన్నగా ఉంటుంది. GT Neo 6 ఫోన్‌లో 1500mAh పెద్ద బ్యాటరీ అమర్చారు.

Realme Neo 7 Features
ఈ స్మార్ట్‌ఫోన్ 6.78-అంగుళాల BOE కస్టమైజ్డ్ S2 ఫ్లాట్ స్క్రీన్‌తో 6000 నిట్స్ బ్రైట్నెస్‌తో కూడా అద్భుతమైన విజువల్స్‌ను అందిస్తుంది. దీని రిజల్యూషన్ 2780×1264, ఇది హార్డ్‌వేర్-రేంజ్ ఫుల్-బ్రైట్‌నెస్ DC డిమ్మింగ్‌కు సపోర్ట్ ఇస్తుంది. ఫోటోగ్రఫీ కోసం Neo7లో 50-మెగాపిక్సెల్ Sony OIS మెయిన్ కెమెరా, వెనుకవైపు 8-మెగాపిక్సెల్ లెన్స్, అలాగే హై క్వాలిటీ సెల్ఫీల కోసం 16-మెగాపిక్సెల్ ఫ్రంట్ కెమెరా ఉన్నాయి.

రాబోయే హ్యాండ్‌సెట్‌లో మెడిటెక్ డైమెన్సిటీ 9300+ ప్రాసెసర్ ఉంటుంది. ఇది బలమైన ప్రాసెసింగ్ శక్తిని ఇస్తుంది. ఇది మాత్రమే కాదు, గేమింగ్, మల్టీ టాస్కింగ్, డిమాండ్ ఉన్న యాప్‌లను సజావుగా అమలు చేయడానికి ఇది అనువైనది. కనెక్టివిటీ కోసం ఫోన్ డ్యూయల్-ఫ్రీక్వెన్సీ GPS, ట్రిపుల్-ఫ్రీక్వెన్సీ బీడౌ, ఇన్‌ఫ్రారెడ్, NFC, లీనియర్ మోటార్, స్టీరియో డ్యూయల్ స్పీకర్‌లకు సపోర్ట్ ఇస్తుంది.

ఈ స్మార్ట్‌ఫోన్ మూడు ఆకర్షణీయమైన రంగులలో వస్తుంది – స్టార్‌షిప్ ఎడిషన్, మెటోరైట్ బ్లాక్, సబ్‌మెరైన్. ఫోన్ ప్రారంభ ధర రూ. 2499 యువాన్ (రూ. 29,116 కంటే తక్కువ). దాని స్టైలిష్ డిజైన్, శక్తివంతమైన బ్యాటరీ, వాటర్‌ప్రూఫ్ ఫీచర్‌లతో వస్తుంది.