Babar Azam: పాకిస్తాన్ క్రికెట్‌లో బాబర్ ఆజం పేరును చాలా గౌరవంగా ఉపయోగించేది. బాబర్ పాకిస్తాన్ జట్టుకు కెప్టెన్‌గా ఉన్నాడు, ప్రతి ఫార్మాట్‌లో పరుగులు చేస్తున్నాడు, కానీ అతని కెప్టెన్సీ, అతని ఫామ్ కోల్పియిన వెంటనే అతని ఆటపై అనేక ప్రశ్నలు తలెత్తున్నాయి. ఇప్పుడు పాక్ టెస్టు జట్టు నుంచి బాబర్ అజామ్‌ను తప్పించవచ్చనే వార్తలు వస్తున్నాయి. పాకిస్థాన్ క్రికెట్ బోర్డు కొత్త సెలక్షన్ కమిటీ అంటే PCB ద్వారానే ఇది బయటకు వచ్చింది. బాబర్ ఆజం చాలా కాలంగా టెస్టు క్రికెట్‌లో హాఫ్ సెంచరీ కూడా చేయలేకపోయాడు.
ESPN క్రిక్‌ఇన్‌ఫో నివేదిక ప్రకారం.. ముల్తాన్ టెస్ట్ మ్యాచ్‌లో పాకిస్తాన్ ఘోరంగా ఓడిపోయిన కొన్ని గంటల తర్వాత లాహోర్‌లో జరిగిన మొదటి సమావేశంలో కొత్త సెలక్షన్ కమిటీ ద్వారా బాబర్ అజామ్‌ను తొలగించాలని సిఫార్సు చేశారు.
ఈ సిరీస్ తర్వాత షాన్ మసూద్ టెస్ట్ కెప్టెన్సీ నుండి తప్పుకోవాల్సి వస్తుందని లేదా పాకిస్తాన్ క్రికెట్ బోర్డు అతనిని కెప్టెన్సీ నుండి తొలగించవచ్చని కూడా అలాంటి నివేదికలు వచ్చాయి. 2023 ప్రపంచకప్ తర్వాత బాబర్ ఆజం మూడు ఫార్మాట్ల కెప్టెన్సీ నుంచి తప్పుకున్నాడు. ఆ తర్వాత షాన్ మసూద్‌ను కెప్టెన్‌గా నియమించారు.
బాబర్ అజామ్ గురించి మాట్లాడితే అతను టెస్ట్ క్రికెట్‌లో 17 ఇన్నింగ్స్‌లలో హాఫ్ సెంచరీ కూడా చేయలేకపోయాడు. చివరిసారిగా డిసెంబర్ 2022లో టెస్ట్ క్రికెట్‌లో 50 లేదా అంతకంటే ఎక్కువ పరుగుల ఇన్నింగ్స్ ఆడాడు. టెస్టు క్రికెట్‌లో బాబర్ అజామ్ సగటు కూడా నిరంతరం పడిపోతోంది.
ఒకప్పుడు అతని టెస్ట్ సగటు 50 కంటే ఎక్కువగా ఉంది, కానీ ఇప్పుడు అది 43.92 కి పడిపోయింది. ర్యాంకింగ్స్‌లో కూడా అతను టాప్ 10లో ఉన్నాడు. అదే సమయంలో షాన్ మసూద్ సారథ్యంలో పాక్ జట్టు ఇప్పటి వరకు ఒక టెస్టు మ్యాచ్ కూడా గెలవలేకపోయింది. అతను ఇప్పటివరకు 6 టెస్ట్ మ్యాచ్‌లకు కెప్టెన్‌గా వ్యవహరించాడు. అయితే జట్టు ఒక టెస్ట్ మ్యాచ్‌ని కూడా డ్రా చేయగలగడం అదృష్టం.