BWF Rankings: టాప్ 10 జాబితాలో సాత్విక్- చిరాగ్ జోడీ

Satwik-Chirag sole Indians in top ten BWF Rankings: బీడబ్ల్యూఎఫ్ ర్యాంకింగ్స్‌లో సాత్విక్ సాయిరాజ్- చిరాగ్ శెట్టిల జోడీకి టాప్-10లో చోటు దక్కింది. భారత తరఫున అన్ని విభాగాల్లో టాప్-10లో చోటు దక్కించుకున్న జోడీగానూ ఈ ద్వయం నిలిచింది. ప్రస్తుతం ఈ జోడీ 9వ ర్యాంకులో కొనసాగుతున్న సంగతి తెలిసిందే. గాయం కారణంగా సాత్విక్ ప్యారిస్ ఒలింపిక్స్ తర్వాత యాక్టివ్‌గా లేకపోవటంతో వీరు పరిమిత భాగస్వామ్యాన్ని కొనసాగిస్తున్నారు.

కాగా, ఈ జోడీ వచ్చే సీజన్‌లో సత్తా చాటేందుకు.. మాజీ కోచ్ టాన్ కిమ్‌హెర్ సారథ్యంలో సాధన ప్రారంభించారు. మరోవైపు, భారత మహిళల డబుల్స్ జోడీ త్రీషా జాలీ-గాయత్రి గోపీచంద్ తమ కెరీర్‌లో అత్యుత్తమ ర్యాంకును సొంతం చేసుకుంది. తాజాగా ప్రకటించిన బీడబ్ల్యూఎఫ్ ర్యాంకింగ్స్‌లో ఈ జోడీ 11వ స్థానంలో నిలిచింది.