India vs South Africa: నేడు దక్షిణాఫ్రికాతో చివరి టీ20 మ్యాచ్..సిరీస్‌పై భారత్ కన్ను

India vs South Africa 4th T20: భారత్‌, దక్షిణాఫ్రికా జట్ల మధ్య నేడు జరుగనున్న నాలుగో టీ20 మ్యాచ్‌ ఇరు జట్లకు కీలకంగా మారింది. ఈ సిరీస్‌లో ఇప్పటివరకు మూడు మ్యాచ్‌లు జరగ్గా.. భారత్ రెండు మ్యాచ్‌లలో గెలుపొందగా.. దక్షిణాఫ్రికా జట్లు ఒక్క మ్యాచ్‌లో గెలిచింది. దీంతో ప్రస్తుతం భారత్ నాలుగు మ్యాచ్ సిరీస్‌లో భాగంగా 2-1తో ముందంజలో ఉంది. దీంతో నాలుగో మ్యాచ్‌లోనూ గెలిచి సిరీస్ గెలిచే అవకాశాన్ని చేజిక్కించుకోవాలని భారత్ ప్రయత్నిస్తుండగా.. దక్షిణాఫ్రికా జట్టు ఈ మ్యాచ్‌లో ఎలాగైనా గెలిచి పరువు నిలబెట్టుకోవాలని పట్టుదలగా ఉంది.

చివరిదైన నాలుగో టీ20లో దక్షిణాఫ్రికా గెలిస్తే సిరీస్‌ను 2-2తో సమం చేసే అవకాశం ఉంటుంది. కాగా, సెంచూరియన్ వేదికగా జరిగిన మూడో టీ20లో ఉత్కంఠ పోరులో భారత్ 11 పరుగుల తేడాతో నెగ్గింది. ఈ విజయంతో భారత్‌ 2-1 తేడాతో సిరీస్‌లో ముందంజలో ఉంది. నాలుగో టీ20 శుక్రవారం జొహన్నెస్‌బర్గ్ వేదికగా రాత్రి 8.30 నిమిషాలకు వాండరర్స్ స్టేడియంలో జరగనుంది.