Rare Creature: ప్రపంచంలో మనకు తెలియని వింత జీవిల్లో ఒకటి ఆక్సోలోట్ల్.. ఇది సాలమండర్ జాతి జీవి. ఈ జీవి తన జీవితాంతం న్యూరాన్‌లను అభివృద్ధి చేస్తూనే ఉంటుందని పరిశోధకులు తేల్చారు.
ఆక్సోలోట్ల్ దాని శరీర భాగాలను పునరుత్పత్తి చేస్తుందని 1964 లో మొదటిసారిగా శాస్త్రవేత్తలు కనుగొన్నారు. వయోజన ఆక్సోలోట్ల్ మెదడును సగానికి పైగా తొలగిపోయినా, అది దానిని మళ్లీ అభివృద్ధి చేయగలదని పరిశోధకులు తెలిపారు.
ఆక్సోలోట్ల్ పునరుత్పత్తి ప్రక్రియను అర్థం చేసుకోవడానికి, శాస్త్రవేత్తలు దాని మెదడు మ్యాప్‌ను తయారు చేశారు. అయితే అందులో ఒక జీవి మెదడు ఒక జాతిగా పరిణామం చెందడం గురించి సమాచారం ఉంది. ఆక్సోలోట్ల్ మెదడు శరీరంలోని అన్ని భాగాలకు సంబంధించిన కణాలను తిరిగి అభివృద్ధి చేస్తుందని పరిశోధకులు తేల్చారు.
దీన్ని అర్థం చేసుకోవడానికి కణాల అభివృద్ధికి సహాయపడే జన్యువులను లెక్కించడానికి ఒక జీవి సింగిల్ సెల్ RNA సీక్వెన్సింగ్ ప్రక్రియను చేశారు. శాస్త్రవేత్తలు ఆక్సోలోట్ల్ మెదడులోని అతిపెద్ద భాగమైన టెలెన్సెఫలాన్‌ను బయటకు తీశారు. దాని లోపల నియోకార్టెక్స్ ఉంది. ఇది ఏదైనా జీవి ప్రవర్తన, అభిజ్ఞా శక్తిని బలపరుస్తుందని.. ఇలా చేసిన 12 వారాల అనంతరం, ఆక్సోలోట్ల్ మెదడుకు కొత్త కణాలను అభివృద్ధి చేయడం ప్రారంభిస్తుందని వారు తెలిపారు.
మొదటి దశలో, ప్రొజెనిటర్ కణాలు ఆక్సోలోట్ల్‌లో వేగంగా పెరుగుతాయని అవి గాయాలను నయం చేయడానికి పని చేస్తాయని పరిశోధనలు వెల్లడించాయి. రెండవ దశలో, పుట్టుకతో వచ్చిన కణాలు న్యూరోబ్లాస్ట్‌లుగా విభేదిస్తాయి.
మూడవ దశలో, న్యూరోబ్లాస్ట్‌లు వ్యక్తిగత న్యూరాన్‌లుగా అభివృద్ధి చెందడం ప్రారంభిస్తాయి. ఇవి టెలిన్సెఫలాన్ నుంచి బయటకు వచ్చిన న్యూరాన్లని.. కొత్త న్యూరాన్లు మెదడులోని పాత భాగాలతో అనుసంధానం చేసి కొత్త మెదడును అభివృద్ధి చేస్తాయని పరిశోధకులు వెల్లడించారు. చూశారు కదా మనశరీరానికి కూడా ఇలా పునరుత్పత్తి చెందించే శక్తి ఉంటే ఎంత బాగుండో అని అనుకుంటున్నారు కదూ.. కానీ ఏ జీవి ప్రత్యేక దానిదే.