Vankaya Pachadi: వంకాయతో కూర వండటం, వంకాయతో కారం ఇంకా వంకాయతో పలు రకాల రెసిపిస్ చూసి ఉంటాము. ఈ రోజు కొత్తగా వంకాయ పచ్చడి చేద్దాం. వంకాయ పచ్చడి చేయాలంటే ముందుగా కావలిసిన పదార్థాలు, తయారీ విధానం గురించి తెలుసుకుందాం.
కావలిసిన పదార్థాలు..
4 వంకాయలు
100 గ్రాములు నూనె
సరిపడినంత చింతపండు
5 ఎండు మిర్చి
1టీ స్పూన్ ఆవాలు
సరిపడినంత ఉప్పు
తయారీ విధానం..
ముందుగా వంకాయలను తీసుకొని వాటిని చిన్న చిన్న ముక్కలను చేసి, నూనెలో వేసి బాగా వేగిన తరువాత వాటిని ఒక చిన్న గిన్నెలోకి తీసుకోవాలి. తరువాత 5 ఎండు మిర్చిని తీసుకొని నూనెలో బాగా వేయించుకోవాలి. ఇప్పుడు ఎండు మిర్చిని, చింత పండును, ఆవాలు తీసుకొని రోట్లో వేసి ముద్ద అయ్యే వరకు దంచాలి. దంచిన వంకాయ పచ్చడి ముద్దను తాలింపు పెట్టుకోవాలి. అంతే టేస్టీ వంకాయ పచ్చడి రెడీ.