Rakul preeth singh :స్టార్ హీరోయిన్ కావడానికి గ్లామరస్‌గా ఉండటం, అద్భుతమైన నటన మాత్రమే సరిపోవు. బాక్సాఫీస్ రిజల్ట్ అనేది చాలా వరకు ముఖ్యమైనది . అందుకే కెరీర్ ప్రారంభంలో హిట్ కొడితే వారు స్టార్లుగా మారిపోతారు. అయితే నటి రకుల్ ప్రీత్ సింగ్ కధ కొంచెం భిన్నం. ఆమెకు సరైన హిట్లు పడకపోయినా చేతిలో చిత్రాలు ఉండటం విశేషం.
వెంకటాద్రి ఎక్స్‌ప్రెస్‌తో తెలుగులో హిట్ కొట్టిన తర్వాత ఆమె తెలుగులోని దాదాపు అందరు స్టార్స్‌తో సినిమాలు చేసింది. కానీ దురదృష్టవశాత్తు, రెండు సినిమాలు తప్ప, టాలీవుడ్‌లో ఆమెకు సక్సెస్ రాలేదు. తరువాత రకుల్ బాలీవుడ్ లో ఎంటరయింది. అక్కడ పలు సినిమాలు చేసినా కానీ సక్సెస్ రేటు దాదాపు చాలా తక్కువగా ఉంది.రకుల్ జాన్ అబ్రహం యొక్క ఎటాక్, అజయ్ దేవగన్ యొక్క రన్‌వే 34, అక్షయ్ కుమార్ యొక్క కట్‌పుట్లి (OTT విడుదల), ఆయుష్మాన్ ఖురానా యొక్క డాక్టర్ జి మరియు అజయ్ దేవగన్ యొక్క థాంక్స్ గాడ్ సినిమాలు చేసింది. అయితే, ఈ చిత్రాలేవీబాక్సాఫీస్ వద్ద పెద్దగా విజయం సాధించలేదు.
బాలీవుడ్‌లో ఆమెకు దాదాపు ఐదు ఫ్లాప్‌లు ఉన్నా ప్రస్తుతం ఆమె చేతిలో హిందీ చిత్రాలు ఉండటం గమనార్హం. చత్రివాలి, మేరే పట్నీ కి రీమేక్, శివకార్తికేయన్ యొక్క అయాలాన్, కమల్ హాసన్ యొక్క భారతీయుడు 2 మరియు మరొక ద్విభాషా చిత్రంతో సహా ఐదు చిత్రాలు ఉన్నాయి. అయితే, సీనియర్ తారలతో ఉన్న సంబంధాల కారణంగా రకుల్‌కు బాలీవుడ్‌లో కూడా మరిన్ని ఆఫర్లు వస్తున్నాయి.