Hrithik Roshan: ఇంటర్నెట్ లో వైరల్ గా మారిన హృతిక్ రోషన్ ఫోటో.. ఎందుకో తెలుసా?

Hrithik Roshan: హృతిక్ రోషన్ తన అభిమానులను ఆశ్చర్యపరచడంలో ఎప్పుడూ ముందుంటాడు. తాజాగా నూతన సంవత్సరం సందర్బంగా హృతిక్ రోషన్ సోషల్ మీడియాలో చేసిన మొదటి పోస్ట్ ఇంటర్నెట్‌లో వైరల్ గా మారింది. ఎందుకంటే హృతిక్ జిమ్ లో చొక్కా పైకెత్తి తన 8 ప్యాక్ బాడీని చూపించాడు.

అతని అభిమానులు ఈ పోటోను చూసి విస్మయం చెందారు. ఈ వయస్సులోశరీరాన్ని కాపాడుకున్నందుకు ప్రశంసించారు. కామెంట్స్ విభాగంలో కూడా అతడిపై తమ అభిమానాన్ని చాటుకున్నారు. “అది చేయడానికి ఒక శిల్పికి మాత్రమే సాధ్యం అంటూ ఒక నెటిజన్ వ్యాఖ్యానించారు. “నిజంగా ఎల్లప్పుడూ స్ఫూర్తిదాయకం,” ఫైర్ ఎమోజీలతో మరొక నెటిజన్ అనగా గ్రీకు దేవుడు అంటూ మరొక నెటిజన్ రాసారు. హృతిక్ రోషన్ ఫిట్‌నెస్‌ను మెయింటైన్ చేయడంలో పేరుగాంచాడు. 48 ఏళ్ల వయస్సులో కూడా అతని శరీరాకృతి కోసం తరచుగా ప్రశంసలు అందుకుంటాడు. అతను ఇటీవల తన స్నేహితురాలు సబా ఆజాద్ మరియు అతని పిల్లలు హ్రేహాన్ మరియు హ్రిదాన్ రోషన్‌లతో కలిసి మంచు ప్రాంతంలో విహారయాత్ర చేసి తిరిగి వచ్చాడు. హృతిక్ గతంలో ఇంటీరియర్ డిజైనర్ సుసానే ఖాన్‌ను వివాహం చేసుకున్నాడు. తరువాత వారిద్దరు విడిపోయారు.

హృతిక్ సిద్ధార్థ్ ఆనంద్ దర్శకత్వంలో యాక్షన్ థ్రిల్లర్ చిత్రం `ఫైటర్`లో దీపికా పదుకొనే మరియు అనిల్ కపూర్ సరసన నటించనున్నారు. ఈ చిత్రం జనవరి 2024లో థియేటర్లలోకి రావడానికి సిద్ధంగా ఉంది. సబా `సాంగ్స్ ఆఫ్ ప్యారడైజ్`లో సోనీ రజ్దాన్‌తో కలిసి నటించనుంది.