Horoscope: జ్యోతిష్యం ప్రకారం నేడు ఈ రాశులలోని వారు చేసే పెళ్లి ప్రయత్నాలు సఫలం అవుతాయి. ఉద్యోగంలో ప్రత్యేక బాధ్యతలు స్వీకరించే అవకాశం ఉందని తెలుస్తుంది. అలాగే జూన్ 6వ తేదీన రాశి ఫలాలు(Horoscope) ఎలా ఉన్నాయో ప్రత్యేకంగా మీకోసం
మేషం: ఈ రోజు ఆర్థిక విషయాలకు అనుకూలం. మీరు ఆశించిన స్థాయిలో సరైన సమయానికి మీ ఆదాయం పెరుగుతుంది. కుటుంబపరంగా కొత్త నిర్ణయాలు తీసుకుంటారు. పెళ్లి ప్రయత్నాలు కలిసి వస్తాయి. ఆరోగ్యం బాగుంటుంది.
వృషభం: ఆదాయం నిలకడగా ఉంటుంది. అనవసర ఖర్చులు పెరుగుతాయి. ఉద్యోగంలో బాగా ఒత్తిడి ఉంటుంది. విద్యార్థులు లక్ష్యాలను చేరడానికి శ్రమపడాల్సి ఉంటుంది. స్నేహితులతో సరదాగా కాలక్షేపం చేస్తారు. ఉద్యోగ జీవితం సాఫీగా జరుగుతుంది.
మిథునం: ఆదాయానికి, ఆరోగ్యానికి డోకా లేదు. ఉద్యోగపరంగా శుభవార్తలు వింటారు. ఆకస్మిక ప్రయాణాలు ఉంటాయి. విద్యార్థులు చదువుల పట్ల మరింత శ్రద్ధ పెంచాల్సి ఉంటుంది.
శుభకార్యాలకు హాజరవుతారు. కుటుంబంతో సరదాగా కాలక్షేపం చేస్తారు.
కర్కాటకం: ఇంటాబయటా విపరీతంగా ఒత్తిడి ఉంటుంది. ఉద్యోగంలో అధికారుల నుంచి విమర్శలు ఎదుర్కోవాల్సి వస్తుంది. ఆదాయం బాగానే ఉంటుంది. విద్యార్థులు చదువుల్లో రాణించడానికి ఎంతగానో కష్టపడాల్సి ఉంటుంది. ఆకస్మిక ప్రయాణాలు తప్పవు. ఆరోగ్యం కాస్త క్షీణిస్తుంది.
సింహం: అనారోగ్య సమస్యలు ఇబ్బంది పెట్టవచ్చు. ఉద్యోగం మారడానికి చేసే ప్రయత్నాలు వాయిదా వేస్తారు. పెళ్లి ప్రయత్నాలు అనుకూలిస్తాయి. ప్రయాణాల మీద డబ్బు బాగా ఖర్చవుతుంది. విద్యార్థులు అభివృద్ధి సాధిస్తారు. కుటుంబంతో కలిసి సరదాగా గడుపుతారు.
కన్య: కొన్ని ముఖ్యమైన పనులు వాయిదా పడతాయి. ఆదాయం, ఆరోగ్యం నిలకడగా ఉంటాయి.పెళ్లి ప్రయత్నాలు అనుకూలిస్తాయి. విద్యార్థులు బాగా కష్టపడాల్సి ఉంటుంది. తల్లిదండ్రుల్లో ఒకరి ఆరోగ్యం కాస్త ఆందోళన కలిగిస్తుంది.
తుల: అదృష్ట యోగం పట్టే అవకాశం ఉంది. కొత్త ఉద్యోగానికి చేసే ప్రయత్నాలు సఫలం అవుతాయి. చిన్ననాటి స్నేహితులను కలుసుకుంటారు. పెళ్లి ప్రయత్నాలు సఫలం అవుతాయి. స్నేహితులతో కలిసి ఆనంద క్షణాలు గడుపుతారు.
వృశ్చికం: ఆదాయానికి, ఉద్యోగానికి ఇబ్బంది లేదు. పెళ్లి ప్రయత్నాలు ఒక పట్టాన ముందుకు సాగవు. విద్యార్థులు బాగా కష్టపడాల్సి ఉంటుంది. రియల్ ఎస్టేట్ వారికి చాలా బాగుంది. ఆరోగ్య పరంగా జాగ్రత్త తప్పనిసరి.
ధనుస్సు: ఉద్యోగ, వివాహ ప్రయత్నాలకు సమయం అనుకూలంగా ఉంది. ఆశించిన స్థాయిలో ఆదాయం పెరుగుతుంది. ఒక ముఖ్యమైన శుభకార్యంలో పాల్గొంటారు. కుటుంబంతో సరదా క్షణాలు గడుపుతారు. ఆరోగ్యం బాగుంటుంది.
మకరం: ఆదాయంలో పురోగతి ఉంటుంది. ఉద్యోగంలో మారాలని చేస్తున్న ప్రయత్నాలు సఫలం అవుతాయి. ఆలస్యంగా అయినా సరై కొన్ని ముఖ్యమైన పనులు పూర్తవుతాయి. విద్యార్థులకు చదువుల విషయంలో ఈ రోజు బాగా అనుకూలంగా ఉంది. ఆరోగ్యం బాగానే ఉంటుంది. పెళ్లి ప్రయత్నాలు ఫలిస్తాయి.
కుంభం: ఉద్యోగానికి, ఆదాయానికి సంబంధించి శుభవార్తలు వింటారు. ఆరోగ్యం నిలకడగానే ఉంటుంది. ఆర్థిక లావాదేవీలు విజయవంతంగా జరుగుతారు. కుటుంబ సభ్యులతో సరదాగా కాలక్షేపం చేస్తారు. ఆకస్మిక ధన లాభానికి అవకాశం ఉంది.
మీనం: అనుకున్న పనులు వేగంగా పూర్తవుతాయి. ఆదాయం పర్వాలేదు. ఆరోగ్యం బాగానే ఉంటుంది. ఆధ్యాత్మిక చింతన పెరుగుతుంది. ఆర్థిక లావాదేవీలకు దూరంగా ఉండండి.