Martin Schwenk: ట్రాఫిక్ లో చిక్కుకుని ఆటోలో ప్రయాణించిన మెర్సిడెస్-బెంజ్ ఇండియా సీఈవో

Pune: సెలబ్రిటీలు లేదా ప్రముఖ వ్యక్తులు రోడ్డు ట్రాఫిక్‌ను నివారించడానికి ఆటోలో ప్రయాణించడం అసాధారణం కాదు. గతంలో సెలబ్రిటీలు ఆటో రిక్షాల్లో ప్రయాణించిన సందర్భాలు ఎన్నో చూశాం. మెర్సిడెస్-బెంజ్ ఇండియా సీఈవో మార్టిన్ ష్వెంక్ పూణేలో ట్రాఫిక్‌లో చిక్కుకున్నారు. దీనితో అతను ఆటో ఎక్కాల్సి వచ్చింది.

గురువారం, మార్టిన్ తన ఇన్‌స్టాగ్రామ్ ఖాతాలోఆటో చిత్రాన్ని పంచుకున్నాడు. చిత్రంతో పాటు, అతను సంఘటనను వివరిస్తూ రాశాడు. పూణే మీదుగా తన ఎస్-క్లాస్‌లో ప్రయాణిస్తున్నప్పుడు, అది ట్రాఫిక్‌లో చిక్కుకుందని పేర్కొన్నాడు. తర్వాత కారు దిగి కొన్ని కిలోమీటర్లు నడిచి ఆటోలో గమ్యస్థానానికి చేరుకున్నాడు. అతని క్యాప్షన్ ఇలా ఉంది. “మీ S-క్లాస్ పూణె రోడ్ల పై ట్రాఫిక్‌లో చిక్కుకుపోయి ఉంటే మీరు ఏమి చేస్తారు? బహుశా కారు దిగి, కొన్ని కిమీలు నడవడం ప్రారంభించి, ఆపై ఆటోరిక్షా పట్టుకోవాలా?

అతను చిత్రాన్ని అప్‌లోడ్ చేసిన వెంటనే, అది ఇంటర్నెట్‌లో వైరల్‌గా మారింది. దానిపై స్పందించడానికి నెటిజన్లు కామెంట్ సెక్షన్‌కి తరలి వచ్చారు. ఒక యూజర్ ఇలా రాసారు. మీరు సాఫీగా ప్రయాణించారని ఆశిస్తున్నాను సార్.” మరొకరు ఇలా అన్నారు, “చాలా వినయపూర్వకంగా, నిజాయితీగా ఉన్నందుకు మీకు శుభాకాంక్షలు.” మూడవ యూజర్ ఇలా వ్యాఖ్యానించారు, “బాగా, మీరు అదృష్టవంతులు. మిమ్మల్ని మీ గమ్యస్థానానికి తీసుకెళ్లడానికి అంగీకరించే ఆటోరిక్షా డ్రైవర్‌ను కనుగొనే అదృష్టం అందరికీ ఉండదు.” ఒక యూజర్ “#PerfectDesicionOfCEO పరిస్థితికి అనుగుణంగా వ్యూహాన్ని మార్చుకోవాలి, అద్భుతమైన సీఈవో అంటూ రాసారు.