Horoscope Today: సాధారణంగా చాలామందికి తమ భవిష్యత్తు గురించి తెలుసుకోవాల్సిన ఆసక్తి ఉంటుంది. దీనికి ప్రపంచ వ్యాప్తంగా విశ్వసించే విధానం జ్యోతిష్యం. రాశుల గ్రహ స్థితిగతులను లెక్కించి ఆ వ్యక్తుల భవిష్యత్తు ఎలా ఉండబోతుందని జ్యోతిష్య పండితులు లెక్కిస్తారు. అయితే, 12 రాశుల వారికి సోమవారం దినఫలాలు ఎలా ఉన్నాయో తెలుసుకోండి.
మేషం: ఈ రాశివారికి ఆర్ధిక పరిస్థితుల విషయంలో ఎలాంటి ఇబ్బందులు ఉండవు. పరిస్థితులు అనుకూలంగానే ఉంటాయి. జీవితంలో శుభ పరిణామాలు చోటు చేసుకుంటాయి. ఉద్యోగంలో తలకు మించిన పనులు చేయాల్సి వస్తుంది. ఇంటా బయటా ఒత్తిడి ఉంటుంది. పొదుపులు, మదుపులు ప్రారంభిస్తారు. స్నేహితులతో ఉన్న సమస్యలు పరిష్కారం అవుతాయి. ఉద్యోగం విషయంలో కీలక పరిణామాలు చోటు చేసుకుంటాయి.
వృషభం: చిన్నపాటి ధనయోగం కలిగే అవకాశం ఉంది. కొన్ని ఆర్థిక అవసరాలు తీరుతాయి. ఉద్యోగ పరంగా కొద్దిగా ఒత్తిడి ఉన్నప్పటికీ లక్ష్యాలను విజయవంతంగా పూర్తి చేస్తారు.
మిత్రుల సహాయంతో ఒకటి రెండు ముఖ్యమైన పనులు పూర్తి అవుతాయి. అనవసర పరిచయాలకు దూరంగా ఉండటం మంచిది. మిత్రుల వల్ల డబ్బు నష్టపోయే అవకాశం ఉంది.
మిథునం: ఆర్థికంగా అదృష్ట యోగం కలసివస్తుంది. రావాల్సిన నగదు చేతికి అందుతుంది. ఉద్యోగంలో మంచి ఫలితాలు ఉంటాయి. అధికారుల నుంచి ప్రశంసలు లభిస్తాయి.
వృత్తి వ్యాపారాల్లో ఆశించిన స్థాయిలో పురోగతి ఉంటుంది. భాగస్వాములతో ఆచితూచి వ్యవహరించాల్సి ఉంటుంది.
బంధువర్గంలో పెళ్లి సంబంధం కుదురుతుంది. నిరుద్యోగులు గుడ్ న్యూస్ వినే అవకాశం ఉంది.
ఈ రాశి వారికి అదృష్ట యోగం..
కర్కాటకం: ఆర్ధిక సమస్యలు పరిష్కారం అవుతాయి. ఆర్ధిక పరిస్థితి విషయాల్లో ఎలాంటి ఇబ్బందులు ఉండవు. అందినంత నగదు చేతికి వస్తుంది.
పిల్లలతో కాలక్షేపం చేయడం ఉత్తమం. ఉద్యోగంలో సహచరుల కారణంగా ఒకటి రెండు సమస్యలు ఇబ్బంది పెడతాయి. ఆరోగ్య పరిస్థితి నిలకడగా ఉంటుంది.
సింహం: ఏళ్లుగా ఉన్న వ్యక్తిగత సమస్య పరిష్కారం అవుతుంది. నేడు తీసుకునే నిర్ణయాలు మంచి ఫలితాలను అందిస్తాయి. కొత్త నిర్ణయాలు తీసుకోవడం ఉత్తమం.
ఉద్యోగ పరంగాను, కుటుంబ పరంగాను, ఆర్థికంగానూ సమయం చాలావరకు అనుకూలంగా ఉంది. అనవసర విషయాల్లో తలదూర్చడం మంచిదికాదు.
కన్య: కుటుంబ వాతావరణం ప్రశాంతగా ఉంటుంది. ఉద్యోగంలో ఎలాంటి ఇబ్బందులు ఉండవు. పనిచేసే చోట గౌరవ మర్యాదలు పెరుగుతాయి.
పలుకుబడి కలవారితో పరిచయాలు ఏర్పడతాయి. ఆర్థిక పరిస్థితి సామాన్యంగా ఉంటుంది. మీ స్తోమతకు మించి ఇతరులకు సహాయం చేస్తారు. కుటుంబంతో కలిసి ఆనందంగా గడుపుతారు.
తుల: నేడు అనుకోని శుభ పరిణామాలు చోటు చేసుకుంటాయి. ఉద్యోగ జీవితం సాఫీగా సాగిపోతుంది. ఉద్యోగంలో మంచి ప్రశంసలు లభిస్తాయి.
సన్నిహితులతో విభేదాలు తలెత్తే సూచనలు ఉన్నాయి. ఎవరితోనైనా ఆచితూచి మాట్లాడడం మంచిది.
వృశ్చికం: ఉద్యోగంలో పలు మార్పులు చోటు చేసుకునే అవకాశం ఉంది. నేడు ఈ రాశి వారు ఇల్లు మారాల్సిన అవసరం ఏర్పడుతుంది.
ఆర్థిక పరిస్థితిలో మెరుగుదల ఉంటుంది. వృత్తి వ్యాపారాల్లో లాభాలు గడిస్తారు. విలువైన వస్తువులు కొనుగోలు చేస్తారు.
ధనుస్సు: ఉద్యోగ జీవితం సాఫీగానే సాగిపోతుంది. నిరుద్యోగులు శుభవార్త వింటారు. కొందరు బంధువులకు ఆర్థికంగా సహాయం చేసి ఇబ్బంది పడతారు.
విలాసాల మీద ఖర్చు చేయడం ఎక్కువ అవుతుంది. వ్యసనాలకు దూరంగా ఉండటం మంచిది. ఆరోగ్యం అనుకూలంగా ఉంటుంది.
మకరం: కుటుంబ జీవితం ప్రశాంతంగా ఉంటుంది. దాంపత్యంలో అన్యోన్యత పెరుగుతుంది. జీవిత భాగస్వామి తరపు బంధువులు ఇంటికి వస్తారు.
బంధువర్గంలోనే మంచి పెళ్లి సంబంధం కుదురుతుంది. కొందరు స్నేహితుల వల్ల ఆర్థికంగా ఒత్తిడికి గురవుతారు. ఆరోగ్యం నిలకడగానే ఉంటుంది.
కుంభం: నేడు ఈ రాశి వారికి ఉద్యోగం కలసివస్తుంది. అలాగే ప్రతిభకు మంచి గుర్తింపు లభిస్తుంది. అధికార యోగానికి అవకాశం ఉంటుంది.
కుటుంబంలో అనుకోని సమస్యలు తలెత్తుతాయి. ఆలోచించి నిర్ణయాలు తీసుకోవడం మంచిది.
మీనం: ఉద్యోగ వాతావరణం సానుకూలంగా, సామరస్యంగా సాగిపోతుంది. డబ్బు సమస్యలు ఉండకపోవచ్చు.
తనకు మాలిన ధర్మంగా ఒకరిద్దరు స్నేహితులకు సహాయం చేస్తారు. ఆర్థిక సంబంధమైన వ్యాపారాలు చేసేవారికి సమయం అనుకూలంగా ఉంది.
డాక్టర్లు లాయర్లు ఐటి వారు పురోగతి సాధిస్తారు.