Akshaya Tritiya : హిందూ మత ఆచారాల ప్రకారం అక్షయ తృతీయ పర్వదినానికి విశిష్ట స్థానం ఉంది. ఈ పండుగ వైశాఖ మాసంలోని శుక్ల పక్షం మూడవ రోజున జరుపుకుంటారు. కాగా హిందూ మత విశ్వాసం ప్రకారం ఈ పవిత్రమైన రోజున చేసే పూజ చేస్తే లక్ష్మీదేవి అనుగ్రహం కలుగుతుందని విశ్వసిస్తారు. పూజిస్తారు. అదే విధంగా అక్షయ తృతీయ రోజున లక్ష్మీదేవిని పూజించడంతో పాటు బంగారం కొనుగోలు చేయడం కూడా మంచి సంప్రదాయంగా పాటిస్తారు. ఈ విధంగా చేస్తే ఏడాది పాటు ఆర్థిక సమస్యలు తొలగిపోతాయని భావిస్తారు. ఈ సంవత్సరం అక్షయ తృతీయ 22 ఏప్రిల్ 2023 నాడు వచ్చింది. ఈ మేరకు అక్షయ తృతీయ రోజు ఏ విధంగా పూజ చేయాలి.. ఏ సమయానికి బంగారం కొనుగోలు చేస్తే మంచిది.. వంటి విషయాలు మీకోసం ప్రత్యేకంగా..
అక్షయ తృతీయ శుభ సమయం..
అక్షయ తృతీయ శుభ సమయం అక్షయ తృతీయ రోజున లక్ష్మీదేవి, నారాయణుని ఆరాధించడం ముఖ్యంగా ప్రయోజనకరంగా పరిగణించబడుతుంది. పంచాంగం ప్రకారం, కలశ పూజకు అనుకూలమైన సమయం ఏప్రిల్ 22, 2023 ఉదయం 07:49 నుండి మధ్యాహ్నం 12:20 వరకు ఉంటుంది. పూజ సమయం మొత్తం 04 గంటల 31 నిమిషాల పాటు ఉంటుంది.
అక్షయ తృతీయ రోజు ఎవరిని పూజించాలి..
మత విశ్వాసాల ప్రకారం అక్షయ తృతీయ రోజున లక్ష్మీ దేవితో పాటు విష్ణువు, కృష్ణుడు , గణేశుడిని పూజించడం కూడా ప్రయోజనకరం.
అక్షయ తృతీయ రోజు ఏం చేస్తే మంచిదంటే Akshaya Tritiya ..
గంగాస్నానం, దానం, పూజలు కూడా ముఖ్యమైనవి. ఆస్తికి సంబంధించిన పనులు చేయడం, గృహ ప్రవేశం మొదలైన శుభ కార్యాలు ఈ తేదీన చేయవచ్చు.
అక్షయ తృతీయ రోజు పూజ విధానం..
- అక్షయ తృతీయ పూజా విధానం అక్షయ తృతీయ రోజున చేసే కార్యక్రమాలు పూజ అఖండ ఫలితాలను ఇస్తాయి.
- ఈ పవిత్రమైన తేదీలో ఉదయాన్నే నిద్రలేచి, స్నానం, ధ్యానం చేసిన అనంతరం శుభ్రమైన బట్టలు ధరించండి.
- వీలైతే అక్షయ తృతీయ రోజున పసుపు రంగు దుస్తులు ధరించడం మంచిది.
- పూజ కోసం పీఠాన్ని ఏర్పాటు చేస్తూ.. మంచి గుడ్డను పరచండి.
- అనంతరం పసుపు వస్త్రంపై పూజ చేయడానికి విష్ణుమూర్తి విగ్రహాన్ని లేదా చిత్రాన్ని ఏర్పాటు చేసుకోండి.
- తర్వాత స్వామి వారికి గంగా జలంతో స్నానం చేయించండి.
- తులసిని, పసుపు పూల మాల లేదా పసుపు పుష్పాలను సమర్పించండి.
- స్వామి వారికి నైవేద్యంగా పండ్లు, పువ్వులు, తులసి, ఆహార పదార్ధాలను ఉంచాలి.
- అక్షయ తృతీయ నాడు శ్రీమహావిష్ణువు అనుగ్రహం పొందడానికి, విష్ణు సహస్రనామం చదవండి లేదా ఆయన మంత్రాలను జపించండి.
- పూజ ముగింపు సమయంలో విష్ణువు కి హారతి ఇవ్వండి.
- అనంతరం పూజలో నైవేద్యంగా సమర్పించిన ప్రసాదాన్ని భక్తులకు పంపిణీ చేయండి.