Daily Horoscope : జ్యోతిష్యం ప్రకారం నేడు ఈ రాశుల లోని వారికి ఆస్తి వివాదం ఒకటి అనుకూలంగా పరిష్కారమయ్యే అవకాశం ఉందని తెలుస్తుంది. అలాగే జూన్ 25 వ తేదీన రాశి ఫలాలు (Daily Horoscope) ఎలా ఉన్నాయో ప్రత్యేకంగా మీకోసం..
మేషం..
ఉద్యోగపరంగా, ఆర్థికంగా అదృష్టం కలిసి వస్తుంది. కొద్ది ప్రయత్నంతో ముఖ్యమైన పనులన్నీ పూర్తి అవుతాయి. ఉద్యోగంలో అధికారులు లేదా యజమానుల నుంచి ఆశించినంతగా ప్రోత్సాహం లభిస్తుంది. ఆరోగ్యం నిలకడగా ఉంటుంది. కుటుంబ జీవితంలో సామరస్యం పెరుగుతుంది. కుటుంబ సభ్యులతో విహారయాత్ర చేసే అవ కాశం ఉంది. ఉద్యోగ ప్రయత్నాలు సఫలం అవుతాయి.
వృషభం..
ఒక చిన్నపాటి అదృష్టం పట్టే అవకాశం ఉంది. ఆర్థిక వ్యవహారాలు, ఆర్థిక ప్రయత్నాలు సానుకూల ఫలితాలను ఇచ్చే సూచనలు ఉన్నాయి. ఆర్థిక లావాదేవీలకు ఇది చాలావరకు అనుకూల సమయం. ఉద్యోగ జీవితం సాఫీగా ప్రశాంతంగా సాగిపోతుంది. వృత్తి వ్యాపారాలలో అనుకూల వాతావరణం చోటు చేసుకుంటుంది. ఆరోగ్యం అనుకూలంగా ఉంటుంది. దాంపత్య జీవితంలో అన్యోన్యత పెరుగుతుంది.
మిథునం..
ఉద్యోగ జీవితంలో కొన్ని సానుకూల మార్పులు, చేర్పులు చోటుచేసుకుంటాయి. ఆర్థిక పరిస్థితి మెరుగ్గా ఉంటుంది. ఆదాయం పెంచుకోవడానికి చేస్తున్న ప్రయత్నాలు మంచి ఫలితాలను ఇస్తాయి. ఆరోగ్యంలో చిన్న చిన్న సమస్యలు తలెత్తే అవకాశాలు అంది. ఇతరుల విషయాల్లో తలదూర్చకపోవడం చాలా మంచిది. దాంపత్య జీవితం ఉల్లాసంగా, ఉత్సాహంగా సాగిపోతుంది. పిల్లల నుంచి శుభవార్తలు వింటారు.
కర్కాటకం..
కుటుంబ జీవితంలో కొద్దిగా చికాకులు తలెత్తే అవకాశం ఉంది. వృత్తి నిపుణులకు సమయం చాలా వరకు అనుకూలంగా ఉంది. చిన్నపాటి ప్రయత్నం అయినప్పటికీ అది తప్పకుండా విజయవంతం అయ్యే సూచనలు ఉన్నాయి. ఆరోగ్యం పరవాలేదు. ఆర్థిక పరిస్థితి నిలకడగా ఉంటుంది. అదనపు ఆదాయ ప్రయత్నాలు సత్ఫలితాలను ఇస్తాయి. ప్రేమ వ్యవహారాలు అనుకూలంగా మారిపోతాయి.
సింహం..
ఒక ముఖ్యమైన శుభ పరిణామం చోటు చేసుకుంటుంది. సహచరుల నుంచి సహాయ సహకారాలు లభిస్తాయి. తండ్రి వైపు నుంచి సంపద కలిసి వచ్చే అవకాశం ఉంది. బంధు వర్గంలో పెళ్లి సంబంధం నిశ్చయం అవుతుంది. నిరుద్యోగులు శుభవార్త వింటారు. ఆహార విహారాల్లో జాగ్రత్తగా ఉండటం మంచిది.
కన్య..
సహచరుల నుంచి ఇబ్బందులు తలెత్తే సూచనలు ఉన్నాయి. అప్రమత్తంగా ఉండటం మంచిది. ఆర్థిక పరిస్థితి నిలకడగా ఉంటుంది. ఆర్థిక సమస్యల ఒత్తిడి బాగా తగ్గుతుంది. వృత్తి వ్యాపారాలలో శ్రమ పెరుగుతుంది. పిల్లల నుంచి శుభవార్తలు వినడం జరుగుతుంది. కుటుంబంలో ఒకరి ఆరోగ్యం కొద్దిగా ఆందోళన కలిగిస్తుంది. దాంపత్య జీవితం సుఖప్రదంగా సాగిపోతుంది.
తుల..
ఉద్యోగ జీవితం ప్రశాంతంగా సాగిపోతుంది. ఆశించిన పురోగతికి అవకాశం ఉంది. ఆరోగ్యం మెరుగ్గా ఉంటుంది. స్నేహితులతో కలిసి విలాస జీవితం మీద ఖర్చు చేయడం జరుగుతుంది. ఆర్థిక పరిస్థితి ఆశించిన దాని కంటే ఎక్కువగా మెరుగ్గా ఉంటుంది. ఆర్థిక ప్రయత్నాలు చాలావరకు కలిసి వస్తాయి. దూర ప్రాంతాల నుంచి మంచి సమాచారం అందుతుంది. అనుకున్న పనులు అనుకున్నట్టు పూర్తవుతాయి.
వృశ్చికం..
ఆరోగ్యం అనుకూలంగా ఉంటుంది. వ్యాపారం మీద మరింతగా శ్రద్ధ పెట్టాల్సిన అవసరం ఉంది. కొద్దిగా లాభాలు తగ్గే ప్రమాదం ఉంది. ఆర్థిక పరిస్థితి యధాతధంగా కొనసాగుతుంది. ఆస్తి వివాదం ఒకటి అనుకూలంగా పరిష్కారమయ్యే అవకాశం ఉంది. బంధు మిత్రుల నుంచి సహాయ సహకారాలు లభిస్తాయి. కుటుంబ సభ్యులతో కలిసి విందులు వినోదాల్లో పాల్గొనడం జరుగుతుంది.
ధనుస్సు..
సమయాన్ని ఎంత సద్వినియోగం చేసుకుంటే జీవితానికి అంత మంచిది. ధనవృద్దికి, కార్యసిద్ధికి అవకాశం ఉంది. వృత్తి, ఉద్యోగాలలో ఆశించిన స్థాయిలో ప్రోత్సాహం, ఆదరణ లభిస్తాయి. వ్యాపారాలలో లాభాల శాతం బాగా పెరిగే అవకాశం ఉంది. సేవా కార్యక్రమాలు వితరణ కార్యక్రమాలలో పాల్గొనడం జరుగుతుంది.
మకరం..
ఆర్థిక పరిస్థితి అనుకూలంగా ఉంటుంది. ఇతరులకు సహాయం చేయగలిగిన స్థితిలో ఉంటారు. ఆరోగ్యం నిలకడగా కొనసాగు తుంది. మిత్రులతో కలిసి విందు కార్యక్రమాల్లో పాల్గొంటారు. ఆర్థికపరంగా ఒకటి రెండు శుభవార్తలు వింటారు. జీవితం మలుపు తిరిగే శుభ పరిణామం ఒకటి చోటు చేసుకుంటుంది. మంచి పరిచయాలు ఏర్పడతాయి. దాంపత్య జీవితంలో అన్యోన్యత పెరుగుతుంది.
కుంభం..
మొండి బాకీలు వసూలు అయ్యే అవకాశం ఉంది. వృత్తి, ఉద్యోగాలపరంగా ఆదాయం పెరిగే సూచనలు కనిపిస్తున్నాయి. ఖర్చులు బాగా తగ్గించుకొని పొదుపు పాటించే అవకాశం ఉంది. ఉద్యోగంలో భద్రత, స్థిరత్వం ఏర్పడతాయి. వృత్తి నిపుణులకు డిమాండ్ పెరుగుతుంది. ఆరోగ్యం అనుకూలంగా ఉంటుంది. వ్యాపారంలో నిలకడగా లాభాలు కొనసాగుతాయి.
మీనం..
ముఖ్యమైన ఆర్థిక సమస్యలు తగ్గు ముఖం పడతాయి. డబ్బులు ఇవ్వాల్సిన వారు తీసుకువచ్చి ఇస్తారు. శుభకార్యాల మీద లేదా పుణ్యకార్యాల మీద ఎక్కువగా ఖర్చు పెట్టడం జరుగుతుంది. కుటుంబ సభ్యులతో కలిసి విహారయాత్ర చేసే అవకాశం ఉంది. తొందరపాటు నిర్ణయాలు మంచివి కావు. ఆరోగ్యం అనుకూలంగా ఉంటుంది. దాంపత్య జీవితం సుఖ సంతోషాలతో సాగిపోతుంది.