Daily Horoscope : నేడు ఈ రాశుల లోని వారికి కుటుంబ సభ్యుల నుంచి ఆశించిన సహాయ సహకారాలు లభిస్తాయని తెలుసా..!

Daily Horoscope : జ్యోతిష్యం ప్రకారం నేడు ఈ రాశుల లోని వారికి కుటుంబ సభ్యుల నుంచి ఆశించిన సహాయ సహకారాలు లభిస్తాయని తెలుస్తుంది. అలాగే జూలై 6 వ తేదీన రాశి ఫలాలు (Daily Horoscope)  ఎలా ఉన్నాయో ప్రత్యేకంగా మీకోసం..

మేషం..

కుటుంబ పెద్దల ఆరోగ్యం విషయంలో జాగ్రత్తగా ఉండడం మంచిది. ఆదాయం పరిస్థితి కొంచెం మెరుగ్గా ఉంటుంది. దూర ప్రయాణాలు చేసే అవకాశం ఉంది. ఉద్యోగ జీవితం సాధారణంగా సాగిపోతుంది. దైవ కార్యాల్లో పాల్గొంటారు. వృత్తి, వ్యాపారాల్లో సంపాదన పెరుగుతుంది. ముఖ్యమైన పనులు మందకొడిగా ముందుకు సాగుతాయి. ఆరోగ్యం పరవాలేదు.

వృషభం..

జీవిత భాగస్వామితో లేదా కుటుంబ సభ్యులతో కొద్దిగా ఇబ్బందులు తలెత్తే అవకాశం ఉంది. దూర ప్రయాణాలు వాయిదా వేసుకోవడం మంచిది. మీరు చేపట్టిన పనులు సకాలంలో పూర్తి అయ్యే అవకాశముంది. ఆర్థిక వ్యవహారాలు ఆశాజనకంగా సాగుతాయి. వ్యాపారాలు నిలకడగా ముందుకు సాగుతాయి. సొంత పనుల మీద శ్రద్ధ పెట్టడం మంచిది. ఉద్యోగ ప్రయత్నాలలో, వివాహ ప్రయత్నాలలో కొద్దిపాటి విజయం లభించే అవకాశం ఉంది. వృత్తి, ఉద్యోగాలలో అధికారులతో జాగ్రత్తగా వ్యవహరించాల్సి ఉంటుంది.

మిథునం..

మహిళలకు సంబంధించిన విషయాల్లో కొంత జాగ్రత్తగా వ్యవహరించాల్సి ఉంటుంది. బంధుమిత్రుల రాక ఆనందం కలిగిస్తుంది. కొత్త విషయాల పట్ల ఆసక్తి పెరుగుతుంది. కుటుంబ సభ్యులతో సంప్రదించి నిర్ణయాలు తీసుకోవడం మంచిది. జీవిత భాగస్వామి వ్యక్తిగత విషయాలలో తలదూర్చకపోవడం శ్రేయస్కరం. ఆర్థిక పరిస్థితి అనుకూలంగా ఉంటుంది. మీ ఆరోగ్యానికి ఢోకా ఉండదు.

కర్కాటకం..

అనుకోకుండా మొండి బాకీలు వసూలు అవుతాయి. కుటుంబ వాతావరణం ప్రశాంతంగా, సామరస్యంగా ఉంటుంది. శత్రువులు కూడా మిత్రులుగా మారి సహాయ సహకారాలు అందిస్తారు. సమాజంలో గౌరవమర్యాదలు పెరుగుతాయి. వృత్తి, ఉద్యోగాల్లో మీ పనితీరుతో అధికారులను ఆకట్టుకుంటారు. వ్యాపారాలు లాభసాటిగా ముందుకు సాగుతాయి. అదనపు ఆదాయ ప్రయత్నాల వల్ల ఫలితం ఉంటుంది. దూర ప్రాంతంలో ఉన్న పిల్లల నుంచి శుభవార్తలు వినే అవకాశం ఉంది.

సింహం..

ఉద్యోగులకు కొంత అనుకూల వాతావరణం ఉంటుంది. వ్యాపారాల్లో కొత్త పెట్టుబడుల విషయంలో ఆచితూచి వ్యవహరించడం మంచిది. వృత్తి జీవితానికి డిమాండ్ ఎక్కువగా ఉంటుంది. దైవ కార్యాల్లో పాల్గొంటారు. రాజకీయంగా కార్యకలాపాలు పెరుగుతాయి. చిన్ననాటి స్నేహితులతో విందులు వినోదాల్లో పాల్గొంటారు. ముఖ్యమైన వ్యవహారాల్లో తొందరపాటు మంచిది కాదు. కొందరు స్నేహితులు లేదా పరిచయస్థులు డబ్బు నష్టపరిచే అవకాశం ఉంది. అనవసర పరిచయాలకు దూరంగా ఉండండి.

కన్య..

ఆధ్యాత్మిక కార్యక్రమాల పట్ల ఆసక్తి పెరుగుతుంది. వృత్తి, ఉద్యోగాలలో పనిభారం పెరిగి సమయానికి నిద్రాహారాలు కూడా ఉండని పరిస్థితి ఏర్పడుతుంది. ఆర్థిక వ్యవహారాల్లో, ముఖ్యంగా ఇతరులకు డబ్బు ఇచ్చే విషయంలో బాగా ఆలోచించి ముందుకు సాగడం మంచిది. నిరుద్యోగుల ఉద్యోగ ప్రయత్నాలు, అవివాహితుల పెళ్లి ప్రయత్నాలకు విఘ్నాలు తప్పకపోవచ్చు. వ్యాపారాల్లో పెట్టుబడులు పెట్టడానికి ఇది సమయం కాదు. ఆరోగ్యం చాలావరకు బాగానే ఉంటుంది.

తుల..

ఇంటా బయటా మీ మాటకు విలువ పెరుగుతుంది. జీవిత భాగస్వామితో అన్యోన్యత పెరుగుతుంది. కొత్త కార్యక్రమాలు ప్రారంభించడానికి, కొత్త నిర్ణయాలు తీసుకోవడానికి సమయం అనుకూలంగా ఉంది. తోబుట్టువులతో కొద్దిగా వివాదాలు తలెత్తే అవకాశం ఉంది. వ్యాపార వ్యవహారాలు నిదానంగా ముందుకు సాగుతాయి. వృత్తి, ఉద్యోగాలలో సంపాదనకు లోటు ఉండదు. ఉద్యోగ జీవితంలో సానుకూలత పెరుగుతుంది. పిల్లల నుంచి శుభవార్తలు వినడం జరుగుతుంది.

వృశ్చికం (Daily Horoscope)..

వృథా ఖర్చుల విషయంలో జాగ్రత్తగా ఉంటే మంచిది. కుటుంబ పరిస్థితులు చాలావరకు చక్కబడతాయి. ఆధ్యాత్మిక చింతన పెరుగుతుంది. వృత్తి, ఉద్యోగాలలో అధికారులతో సామరస్య వాతావరణం నెలకొంటుంది. వ్యాపారాలలో లాభాలు కొద్దిగా హెచ్చుతగ్గులకు లోనవుతాయి. నిరుద్యోగుల ప్రయత్నాలు నిదానంగా సాగుతాయి. బంధువుల నుంచి ఒకటి రెండు సమస్యలు ఎదురవుతాయి.

ధనస్సు..

నిరుద్యోగులకు మంచి అవకాశాలు అంది వస్తాయి. ఉద్యోగులకు అధికారుల అండదండలు లభిస్తాయి. వృత్తి, ఉద్యోగాలలో పదోన్నతులకు కూడా అవకాశం ఉంది. ఆదాయం పరిస్థితి చాలావరకు మెరుగ్గా ఉంటుంది. కుటుంబ సభ్యుల నుంచి ఆశించిన సహాయ సహకారాలు లభిస్తాయి. దూర ప్రయాణాలు లాభసాటిగా సాగుతాయి. వ్యాపారంలో కొత్తగా లాభాలు అందుతాయి.

మకరం..

ఆదాయం నిలకడగా ఉంటుంది కానీ, అనుకోని ఖర్చులు, వృథా ఖర్చుల వల్ల ఇరకాట పరిస్థితి ఏర్పడుతుంది. గృహ నిర్మాణానికి బ్యాంకుల నుంచి రుణాలు మంజూరు అవుతాయి. వృత్తి, ఉద్యోగాలలో అధికారుల నుంచి కొద్దిగా ఒత్తిడి ఏర్పడుతుంది. ఆర్థిక లావాదేవీలు మంచి ఫలితాలను ఇస్తాయి. బంధుమిత్రులతో సామరస్యం పెరుగుతుంది. ఆరోగ్యంలో మెరుగుదల కనిపిస్తుంది. దైవ కార్యాలలో పాల్గొంటారు. అనవసర పరిచయాలకు దూరంగా ఉండడం మంచిది. శుభవార్తలు వింటారు.

కుంభం..

రాజకీయాలు, రియల్ ఎస్టేట్, వైద్యం, మద్యం తదితర రంగాల వారికి సమయం అనుకూలంగా ఉంది. రాజకీయాల్లో చేరేందుకు అవకాశాలు అంది వస్తాయి. అదనపు ఆదాయ ప్రయత్నాలు కలిసి వస్తాయి. మిత్రుల నుంచి కూడా ధన సహాయం అందుతుంది. వృత్తి, వ్యాపారాలు లాభసాటిగా ముందుకు సాగుతాయి. తలపెట్టిన పనులు సకాలంలో పూర్తవుతాయి. ఉద్యోగంలో కొన్ని సానుకూల మార్పులు చోటు చేసుకుంటాయి. ఒకటి రెండు కుటుంబ సమస్యలు పరిష్కారం అవుతాయి.

మీనం..

వృత్తి, ఉద్యోగాలలో శ్రమ, ఒత్తిడి ఉన్నప్పటికీ సకాలంలో బాధ్యతలు పూర్తి చేస్తారు. సహోద్యోగుల వ్యవహారాలలో కల్పించుకోకపోవడం శ్రేయస్కరం. ప్రయాణాలు వాయిదా వేయడం మంచిది. వ్యాపారాల్లో కొత్త ప్రణాళికలు అమలు చేస్తారు. నిరుద్యోగులకు మంచి అవకాశాలు లభిస్తాయి. వీటిని సద్వినియోగం చేసుకోవలిసి ఉంటుంది. ఆదాయం ఆశాజనకంగా ఉంటుంది. ఆధ్యాత్మిక చింతన పెరుగుతుంది. ఆలయాలు సందర్శిస్తారు. కుటుంబ జీవితం ప్రశాంతంగా, సామరస్యంగా సాగిపోతుంది.