Daily Horoscope : జ్యోతిష్యం ప్రకారం నేడు ఈ రాశుల లోని నిరుద్యోగులు శుభవార్త వినే అవకాశం ఉందని తెలుస్తుంది. అలాగే జూలై 5 వ తేదీన రాశి ఫలాలు (Daily Horoscope) ఎలా ఉన్నాయో ప్రత్యేకంగా మీకోసం..
మేషం..
కష్టపడి చేసే ప్రయత్నం సఫలం అయ్యే అవకాశం ఉంది. ఉద్యోగ ప్రయత్నాలు ఫలిస్తాయి.. అలానే ఉద్యోగం మారడానికి చేసే ప్రయత్నాలు కూడా అనుకూలిస్తాయి. ఆరోగ్యం బాగానే ఉంటుంది. వృత్తి, ఉద్యోగాలు సానుకూలంగా సాగిపోతాయి. అనవసర పరిచయాలకు దూరంగా ఉంటే మంచిది. తొందరపాటు నిర్ణయాలకు అవకాశం ఇవ్వకండి. ఆదాయానికి లోటు ఉండదు.
వృషభం..
ఉద్యోగంలో కొన్ని సానుకూల మార్పులు చోటు చేసుకుంటాయి. ఆదాయం పెంచుకోవడానికి మీరు చేసే ప్రయత్నాలతో మంచి ఫలితం సాధిస్తారు. వాహనాల విషయంలో జాగ్రత్తగా ఉండాలి. కుటుంబ సభ్యులతో అన్యోన్యత పెరుగుతుంది. బంధువులతో అపార్థాలు తలెత్తే సూచనలున్నాయి. వృత్తి జీవితం చాలావరకు సాఫీగా, సానుకూలంగా సాగిపోతుంది. వ్యాపారాలు ఆశాజనకంగా ముందుకు సాగుతాయి.
మిథునం..
కుటుంబ జీవితం సాఫీగా, హ్యాపీగా సాగిపోతుంది. ఆర్థికంగా స్థిరత్వం లభిస్తుంది. వ్యాపారంలో ప్రవేశించాలని, వ్యాపారంలో పెట్టుబడులు పెంచాలని ఆలోచించే అవకాశం ఉంది. ఉద్యోగంలో ప్రాధాన్యం, ప్రాభవం పెరుగుతాయి. ఇంటా బయటా కొద్దిగా ఒత్తిడి ఉన్నా.. ముఖ్యమైన పనులు, బాధ్యతలు, ప్రయత్నాలు విజయవంతంగా పూర్తవుతాయి.
కర్కాటకం..
ఉద్యోగ జీవితం ఒడిదుడుకులు లేకుండా సాగిపోతుంది. అదనపు బాధ్యతలు లేదా లక్ష్యాలను సకాలంలో పూర్తి చేయడం జరుగుతుంది. స్నేహితుల సహాయంతో ముఖ్యమైన వ్యక్తిగత పనులు పూర్తవుతాయి. స్వయం ఉపాధి, వ్యాపారాల రంగంలోని వారు లాభాల బాట పడతారు. ఒకటి రెండు శుభవార్తలను వినే అవకాశం ఉంది. కుటుంబంలో అపార్థాలు చోటు చేసుకునే సూచనలున్నాయి.
సింహం..
నిరుద్యోగులు శుభవార్త వినే అవకాశం ఉంది. పిల్లలు చదువుల్లో పురోగతి సాధిస్తారు. విదేశీయానానికి అవకాశం ఉంది. ముఖ్యమైన పనుల్ని పట్టుదలగా పూర్తి చేయడం జరుగుతుంది. వృత్తి, వ్యాపారాలు స్థిరంగా ముందుకు సాగుతాయి. కుటుంబ జీవితం సాఫీగా సాగిపోతుంది. వాహన ప్రమాదాల పట్ల జాగ్రత్తగా ఉండాలి.
కన్య..
ఆర్థికంగా, ఆరోగ్యపరంగా సమస్యలేవీ ఉండకపోవచ్చు. వృత్తి, ఉద్యోగాలు కూడా ఒడిదుడుకులు లేకుండా సాగిపోతాయి. వ్యాపారాల్లో యథావిధిగా లాభాలు కొనసాగుతాయి. వాహనాలు, శత్రువుల విషయంలో అప్రమత్తంగా ఉండడం మంచిది. స్నేహితుల వల్ల ఆర్థికంగా నష్టపోయే సూచనలున్నాయి. ఇతరుల వ్యవహారాల్లో తల దూర్చడం వల్ల ఇరకాటంలో పడడం జరుగు తుంది. ఆర్థిక లావాదేవీలు మెరుగ్గా ఉంటాయి. ప్రస్తుతం ఎవరికీ వాగ్దానాలు చేయకపోవడం చాలా మంచిది.
తుల..
సమయం అన్నివిధాలా అనుకూలంగా ఉంది. వృత్తి, ఉద్యోగాలలో కలసి వస్తుంది. శుభ పరిణామాలు చోటు చేసుకుంటాయి. ముఖ్యమైన పనులు, ప్రయత్నాలు విజయవంతంగా పూర్తవుతాయి. సర్వత్రా మీ మాట చెల్లుబాటు అవుతుంది. పలుకుబడి పెరుగుతుంది. కొత్త ఆదాయ ప్రయత్నాలు చేపట్ట డానికి అవకాశం ఉంది. వ్యాపారంలో స్థిరత్వం ఏర్పడుతుంది. కుటుంబంలో సుఖ సంతోషాలు వెల్లివిరుస్తాయి.
వృశ్చికం..
ఆదాయం నిలకడగా ఉన్నప్పటికీ అనుకోని ఖర్చులు ఎక్కువగా ఉండే అవకాశం ఉంది. ఆరోగ్యం చాలావరకు అనుకూలంగా ఉంటుంది. ఆహార విషయంలో కాస్తంత జాగ్రత్తగా ఉండడం మంచిది. ఓర్పు, సహనాలతో వ్యవహరించడం మంచిది. వృత్తి, వ్యాపారాల్లో కొద్దిపాటి ఒత్తిడి ఉండవచ్చు. ఉద్యోగంలో అధికారులు లేదా సహచరుల సహకారం ఉంటుంది. ఆస్తి విలువ పెరిగే సూచనలు కనిపిస్తున్నాయి.
ధనస్సు..
కొన్ని ముఖ్యమైన పనులు సునాయాసంగా పూర్తవుతాయి. కొత్త ప్రయత్నాల వల్ల, కొత్త నిర్ణయాల వల్ల ప్రయోజనం ఉంటుంది. సమయం అనుకూలంగా ఉంది. ఉద్యోగ సంబంధమైన ప్రయత్నాలు, పెళ్లి ప్రయత్నాలు సఫలం అవుతాయి. నిరుద్యోగులకు దూర ప్రాంతంలో మంచి ఉద్యోగం లభించే అవకాశం ఉంది. వ్యాపారంలో మీరు ఆశించిన స్థాయిలో లాభాలు పెరుగుతాయి.
మకరం..
ఉద్యోగపరంగా చిన్నా చితకా సమస్యలున్నప్పటికీ అవి తొందరగానే సమసిపోతాయి. ఆర్థిక పరిస్థితి మెరుగ్గానే ఉంటుంది. ఖర్చులకు కళ్లెం వేయడం మంచిది. ఆరోగ్యం పరవాలేదు. వ్యాపారులకు సమయం అనుకూలంగా ఉంది. కుటుంబానికి సంబంధించి తొందరపడి ఎటువంటి నిర్ణయాలూ తీసుకోవద్దు. వాహనాలతో జాగ్రత్త.
కుంభం..
ఆదాయం స్థిరంగా ఉంటుంది. ఖర్చులు తగ్గించుకుంటారు. పొదుపు సూత్రాలు పాటిస్తారు. ఉద్యోగ జీవితం సజావుగా, సామరస్యంగా సాగిపోతుంది. వృత్తి, వ్యాపారాలు సాధారణ ఫలితాలను ఇస్తాయి. ఇంటా బయటా విపరీతమైన ఒత్తిడి ఉంటుంది. సన్నిహితుల సహాయంతో ముఖ్యమైన పనులు పూర్తి చేస్తారు. వాహన ప్రమాదాలు, ఆహార విహారాల్లో వీలైనంతగా జాగ్రత్తలు పాటించడం శ్రేయస్కరం. ఉద్యోగం మారడానికి సమయం ప్రస్తుతం అనుకూలంగా లేదు. మీ కుటుంబ జీవితం ప్రశాంతంగా సాగిపోతుంది.
మీనం..
ఉద్యోగ, ఆర్థిక సంబంధమైన ప్రయత్నాల విషయంలో సమయం చాలావరకు అనుకూలంగా ఉంది. వృత్తి, వ్యాపారాల్లో సంపాదనకు లోటుండదు. అనుకున్న పనులు అనుకున్నట్టు పూర్తవుతాయి. ఆర్థిక పరిస్థితి ఇతరులకు సహాయం చేయగల స్థితిలో ఉంటుంది. శత్రు, రోగ, రుణ సమస్యలు బాగా తగ్గి ఉంటాయి. ఆరోగ్యం పరవాలేదనిపిస్తుంది. వాహన ప్రమాదాల విషయంలో కాస్తంత అప్రమత్తంగా ఉండడం మంచిది. కొద్దిగా డబ్బు నష్టపోయే సూచనలున్నాయి. పిల్లలు వృద్ధిలోకి వస్తారు.