Volkswagen Tiguan-R Line: ఫోక్స్‌వ్యాగన్ ఇండియా ఈరోజు కొత్త Tiguan R-Line ప్రీ-బుకింగ్‌లను ప్రారంభించింది. ప్రపంచవ్యాప్తంగా బ్రాండ్ అత్యధికంగా అమ్ముడైన కారును భారతీయ కస్టమర్లకు త్వరలో అందజేస్తుంది. వినియోగదారులు ప్రీ-బుకింగ్‌లను దేశవ్యాప్తంగా ఉన్న వోక్స్‌వ్యాగన్ డీలర్‌షిప్‌లలో లేదా కంపెనీ అధికారిక వెబ్‌సైట్ ద్వారా చేసుకోవచ్చు. దీనికి అదనంగా వోక్స్‌వ్యాగన్ కంపెనీ తన అధికారిక వెబ్‌సైట్‌లో గోల్ఫ్ జిటిఐ కారును భారతదేశంలో కూడా ప్రవేశపెట్టింది.
భారతదేశంలో ఈ ఐకానిక్ మోడల్‌ల ప్రారంభం ఉన్నతమైన ఇంజినీరింగ్, పనితీరు, ఆవిష్కరణలతో కూడిన అధునాతన, గ్లోబల్ కార్లను అందించడానికి కంపెనీ నిబద్ధతను నొక్కి చెబుతుంది. టిగువాన్ ఆర్-లైన్ విషయానికి వస్తే ఇది పర్ఫామెన్స్ ఎస్‌యూవీ వరుసలో అగ్రస్థానంలో ఉంది. దీని స్పోర్టి డిజైన్,ఖచ్చితమైన ఇంజనీరింగ్ ఉన్నవారిని ఆకర్షిస్తుంది.
దాని ఇంజన్ విషయానికి వస్తే, టిగువాన్ ఆర్-లైన్, 204 పిఎస్ పవర్, 320 ఎన్ఎమ్ టార్క్‌తో కూడిన పదునైన డ్రైవింగ్ అనుభవాన్ని అందిస్తుంది. ఆకర్షణీయమైన లుక్స్, అగ్రెసివ్ పెర్ఫార్మెన్స్ కోసం రూపొందించిన టిగువాన్ ఆర్-లైన్ పొడవు 4,539 మిమీ, వెడల్పు 1859 మిమీ, ఎత్తు 1656 మిమీ, వీల్ బేస్ 2680 మిమీ.
ఈ సంవత్సరం మేము భారతదేశానికి అత్యంత ప్రజాదరణ పొందిన రెండు ఫోక్స్‌వ్యాగన్ మోడళ్లను పరిచయం చేస్తున్నాము. కొత్త టిగువాన్ ఆర్-లైన్ విడుదల భారతదేశంలో మా పురోగతి ప్రయాణంలో ఒక కొత్త అధ్యాయాన్ని సూచిస్తుంది. టిగువాన్ ఆర్-లైన్‌తో మేము పదునైన పనితీరు, బలమైన భద్రతా వ్యవస్థలను పరిచయం చేస్తున్నాము. ఇది ప్రజల దృష్టిని ఆకర్షించడానికి రూపొందించాము.
భారతదేశంలో టిగువాన్ ఆర్-లైన్ ఎస్‌యూవీ కోసం ప్రీ-బుకింగ్స్ ప్రారంభించాము. ఈరోజు నుండి, భారతదేశంలో పరిచయం అవసరం లేని ఫోక్స్‌వ్యాగన్ ఫ్లాగ్‌షిప్ గోల్ఫ్ GTIని లాంచ్ చేయడానికి మేము వినియోగదారుల ఆసక్తిని కూడా ఆహ్వానిస్తున్నాము” అని బ్రాండ్ డైరెక్టర్ ఆశిష్ గుప్తా తెలిపారు.
ఫోక్స్‌వ్యాగన్ ఎల్లప్పుడూ ఆవిష్కరణ, ఇంజనీరింగ్ నైపుణ్యం, డైనమిక్ పనితీరుకు పర్యాయపదంగా ఉంది. కొత్త టిగువాన్ ఆర్-లైన్‌తో మేము ఎస్‌యూవీ అనుభవాన్ని పునర్నిర్వచించుకుంటున్నాము. జర్మన్-ఇంజనీరింగ్ మా కోర్ DNAపై బలంగా నిర్మించడం. అధునాతన ప్యాకేజీ ఈ ఎస్‌యూవీని ప్రత్యేకంగా నిలబెడుతుందని మేము ఖచ్చితంగా అనుకుంటున్నామని అతను చెప్పాడు.
టిగువాన్ ఆర్-లైన్ పెర్సిమోన్ రెడ్ మెటాలిక్, క్ప్రెస్సినో గ్రీన్ మెటాలిక్, నైట్ షేడ్ బ్లూ మెటాలిక్, గ్రెనడిల్లా బ్లాక్ మెటాలిక్, ఓరిక్స్ వైట్ విత్ మదర్ ఆఫ్ పెర్ల్ ఎఫెక్ట్, ఓయిస్టర్ సిల్వర్ మెటాలిక్ కలర్స్‌లో కస్టమర్‌లు ఎంచుకోవడానికి అందుబాటులో ఉంది. కస్టమర్‌లు ఇప్పుడు భారతదేశం అంతటా ఉన్న వోక్స్‌వ్యాగన్ డీలర్‌షిప్‌లలో లేదా అధికారిక వెబ్‌సైట్ ద్వారా టిగువాన్ ఆర్-లైన్‌ను ముందస్తుగా బుక్ చేసుకోవచ్చు.