Tata Nexon CNG Dark Edition: టాటా నెక్సాన్ దేశంలో అత్యంత ప్రజాదరణ పొందిన సబ్-కాంపాక్ట్ ఎస్‌‌యూవీలలో ఒకటి. పెట్రోల్, డీజిల్, ఎలక్ట్రిక్ పవర్‌ట్రెయిన్‌లతో విక్రయానికి అందుబాటులో ఉన్న టాటా మోటార్స్ నెక్సాన్‌ను ఫ్యాక్టరీ సిఎన్‌జి కిట్‌తో కూడా అందిస్తుంది. దేశీయ వాహన తయారీ సంస్థ టాటా నెక్సాన్ సిఎన్‌జిని సెప్టెంబరు 2024 ప్రారంభంలో రూ. 8.99 లక్షల ఎక్స్-షోరూమ్ ప్రారంభ ధరతో విడుదల చేయనుంది. ఇప్పుడు మరోసారి టాటా మోటార్స్ టాటా నెక్సాన్ సిఎన్‌జి డార్క్ ఎడిషన్‌ను విడుదల చేసింది. 12.70 లక్షల ఎక్స్-షోరూమ్ ప్రారంభ ధరతో దీనిని విడుదల చేశారు. ఈ నేపథ్యంలో టాటా నెక్సాన్ సిఎన్‌జి డార్క్ ఎడిషన్ వేరియంట్ ధర, మైలేజ్, ఫీచర్ల వివరాలను తెలుసుకుందాం.
Tata Nexon CNG Dark Edition Price
టాటా నెక్సాన్ సిఎన్‌జి డార్క్ ఎడిషన్ కాంపాక్ట్ ఎస్‌యువి 3 వేరియంట్‌లలో విడుదల చేసింది. ఇందులో క్రియేటివ్ + ఎస్ ధర రూ.12.70 లక్షలు. క్రియేటివ్ + పిఎస్ ధర రూ. 13.70 లక్షలు. అయితే ఫియర్‌లెస్ + పిఎస్ ధర రూ. 12.70 లక్షలు. అన్ని ధరలు ఎక్స్-షోరూమ్, ఇండియా. దాని సాధారణ ట్రిమ్‌లతో పోలిస్తే క్రియేటివ్+ఎస్, క్రియేటివ్+పిఎస్ ధర దాదాపు రూ. 40,000 ఎక్కువ. అయితే ఫియర్‌లెస్ + పిఎస్ ధర దాని సాధారణ ట్రిమ్‌ల కంటే రూ. 20,000 ఎక్కువ.
Tata Nexon CNG Dark Edition Features
స్పోర్టీ ఆల్-బ్లాక్ ఫినిషింగ్‌లో పెయింట్ చేసిన నెక్సాన్ సిఎన్‌జి డార్క్‌లో కొన్ని మెటాలిక్ ఎలిమెంట్స్, అల్లాయ్ వీల్స్‌పై పెయింట్ జాబ్ ఉన్నాయి. ఇది కాంట్రాస్టింగ్ రెడ్ యాక్సెంట్‌లతో పూర్తిగా బ్లాక్ క్యాబిన్ థీమ్‌ను కలిగి ఉంది. ఈ ఎడిషన్‌లో పియానో బ్లాక్ ఇంటీరియర్ ట్రిమ్‌లు, రెడ్ లెథెరెట్ అప్హోల్స్టరీ, రెడ్ స్టిచింగ్ కూడా ఉన్నాయి.
టాటా నెక్సాన్ సిఎన్‌జి డార్క్‌లో పనోరమిక్ సన్‌రూఫ్, వైర్‌లెస్ ఆండ్రాయిడ్ ఆటో, ఆపిల్ కార్‌ప్లే కనెక్టివిటీతో కూడిన 10.2-అంగుళాల టచ్‌స్క్రీన్, డిజిటల్ ఇన్‌స్ట్రుమెంట్ క్లస్టర్, వైర్‌లెస్ ఛార్జర్, వెంటిలేటెడ్ ఫ్రంట్ సీట్లు, 360-డిగ్రీ కెమెరాతో సహా అనేక అధునాతన ఫీచర్లు ఉన్నాయి.
Tata Nexon CNG Dark Edition Powertrain
టాటా నెక్సాన్ సిఎన్‌జి డార్క్ 1.2-లీటర్, 3-సిలిండర్ టర్బోచార్జ్డ్ ఇంజన్‌ను కలిగి ఉంది, ఇది 99 బిహెచ్‌పి, 170 ఎన్ఎమ్ టార్క్ ఉత్పత్తి చేస్తుంది. ఇంజిన్ 6-స్పీడ్ మ్యాన్యువల్ గేర్‌బాక్స్‌తో ఉంటుంది. ఇది కిలోకు 17.44 కిలోమీటర్ల వరకు మైలేజీని ఇస్తుంది. ఇది టాటా ట్విన్ సిలిండర్ టెక్నాలజీని ఉపయోగిస్తుంది, ఇది మొత్తం 60 లీటర్ల సామర్థ్యంతో డ్యూయల్ CNG సిలిండర్‌లను కలిగి ఉంది. భారతదేశంలో టర్బోచార్జ్డ్ పెట్రోల్ ఇంజన్‌తో వచ్చిన మొదటి సిఎన్‌జి కారు Nexon CNG.