Diwali Offers: అసలే పండుగ సీజన్.. చాలా మంది కొత్త కారు కొనాలనే ప్లాన్‌లో ఉన్నారు. దీన్ని దృష్టిలో ఉంచుకోని పలు దిగ్గజ కంపెనీలు దీపావళి డిస్కౌంట్లను అందిస్తున్నాయి. అందులో మెర్సిడెస్, బిఎమ్‌డబ్ల్యూ, ఆడి వంటి బ్రాండ్లు ఉన్నాయి. వీటిపై రూ.10 లక్షల వరకు తగ్గింపు లభిస్తుంది. అలానే కియా ఈవీ 6 వంటి కొన్ని మోడళ్లపై రూ.12 లక్షల వరకు ప్రయోజనాలను ఆఫర్ చేస్తోంది. కార్ మార్కెట్‌ సేల్స్‌ని పెంచడానికి కంపెనీలు ఈ తగ్గింపులను అందిస్తున్నాయి. ఈ నేపథ్యంలో మీరు కూడా దీపావళి రోజున కొత్త కార్ కొనాలని అనుకుంటుంటే.. ఏ కారుపై ఎంత డిస్కౌంట్ ఇస్తున్నారో ఇప్పుడు తెలుసుకుందాం.
Audi Q3
ఆడి క్యూ3 దాని లుక్, ఫీచర్లు, సౌకర్యవంతమైన ప్రయాణానికి ప్రసిద్ధి చెందింది. 2.0-లీటర్ టర్బో పెట్రోల్ ఇంజన్‌తో ఈ కారు ఆడి ప్రీమియం SUVలలో ఒకటిగా ఉంది. దీనిపై రూ.5 లక్షల వరకు తగ్గింపు లభిస్తుంది.
Mercedes-Benz GLC
మెర్సిడెస్ బెంజ్ GLC ఆడి క్యూ5, బిఎమ్‌డబ్ల్యూ X3తో పోటీపడుతుంది. ఇటీవల ఇది కొత్త అప్‌డేట్‌ను పొందింది. ఇందులో టెక్నాలజీతో కూడిన ఇంటీరియర్, పెద్ద క్యాబిన్ ఉన్నాయి. దీనిపై రూ.3.5 లక్షల నుంచి రూ.5 లక్షల వరకు తగ్గింపు లభిస్తుంది.
Audi Q5
ఆడి క్యూ5 2.0-లీటర్ టర్బో పెట్రోల్ ఇంజన్ ఉంటుంది. ఈ కారు చాలా కాలంగా మార్కెట్లో ఉంది. ఇప్పుడు దీనిని రూ. 5.5 లక్షల వరకు తగ్గింపుతో కొనుగోలు చేయచ్చు. ఇది BMW X3, Mercedes GLC లతో కూడా పోటీపడుతుంది.
BMW i4
బిఎమ్‌డబ్ల్యూ i4 అనేది ఫుల్ సైజ్ ఎలక్ట్రిక్ కారు. ఇది దాని అద్భుతమైన పనితీరు, స్టైలిష్ లుక్‌లకు ప్రసిద్ది చెందింది. దీనిపై రూ.8 లక్షల వరకు తగ్గింపు లభిస్తుంది.
Audi Q4
ఆడి A4 దాని క్లాసీ లుక్స్ మరియు గొప్ప ఫీచర్లతో ప్రీమియం సెడాన్‌గా గుర్తింపు పొందింది. ఇది 2.0-లీటర్ పెట్రోల్ ఇంజన్‌తో వస్తుంది మరియు దానిపై రూ. 8 లక్షల వరకు తగ్గింపు ఇవ్వబడుతోంది.
Mercedes-Benz C 200
మెర్సిడెస్ సి-క్లాస్ ఈ మోడల్ అద్భుతమైన పనితీరు, ఫీచర్లతో వస్తుంది. ఇందులో 48V మైల్డ్-హైబ్రిడ్ టెక్నాలజీని ఉపయోగించారు. దానిపై రూ.7 నుండి 9 లక్షల వరకు తగ్గింపు లభిస్తుంది.
Audi Q8 e-tron
ఆడి క్యూ8 ఇ-ట్రాన్ ఈ దీపావళికి రూ. 10 లక్షల వరకు తగ్గింపుతో అందుబాటులో ఉంది. ఇది ప్రీమియం ఎలక్ట్రిక్ SUV. ఇందులో రెండు బ్యాటరీ వేరియంట్లు ఉన్నాయి. కొంతమంది డీలర్లు దాని స్టాండర్డ్ మోడల్‌పై భారీ డిస్కౌంట్లను అందిస్తున్నారు.
Audi A6
ఆడి A6 ప్రీమియం సెడాన్ విభాగంలో BMW 5 సిరీస్, మెర్సిడెస్ బెంజ్ E క్లాస్‌తో పోటీపడుతుంది. దీనిపై రూ.10 లక్షల వరకు రాయితీ ఇస్తోంది.
BMW X5
బిఎమ్‌డబ్ల్యూ X5 దాని డిజైన్, స్పోర్టీ డ్రైవింగ్‌కు ప్రసిద్ధి చెందింది. దీని X-లైన్ వేరియంట్ ఈ దీపావళికి రూ. 10 లక్షల వరకు తగ్గింపుతో అందుబాటులో ఉంది. ఇది ఈ కారును మరింత ఆకర్షణీయంగా చేస్తుంది.
Kia EV6 AWD
కియా ఈవీ6 AWD ఈ పండుగ సీజన్‌లో గరిష్టంగా రూ. 12 లక్షల ప్రయోజనాలతో అందుబాటులో ఉంది. ఈ కారు 5.2 సెకన్లలో గంటకు 0-100 కి.మీ వేగాన్ని అందుకోగలదు. లెవెల్ 2 ADAS వంటి అధునాతన ఫీచర్లను ఇందులో చూడొచ్చు.