Maruti Suzuki R Flex: ఈసారి ఎలక్ట్రిక్ కార్లతో పాటు ఫ్లెక్స్ ఫ్యూయల్‌తో నడిచే వాహనాలను కూడా ఆటో ఎక్స్‌పో 2025లో ప్రవేశపెట్టారు. అంటే త్వరలో ఇథనాల్ టెక్నాలజీతో కూడిన కార్లను భారత్‌ రోడ్లపై పరుగులు పెట్టనున్నాయి. ప్రారంభంలో ఇది చిన్నగా మొదలవుతుంది. డిమాండ్ పెరిగే కొద్దీ మరిన్ని మోడళ్లను ప్రవేశపెట్టనున్నారు. మారుతి సుజుకి మొదటగా ఆటో ఎక్స్‌పో 2023లో వ్యాగన్ R ఫ్లెక్స్ ఫ్యూయల్ మోడల్‌ను పరిచయం చేసింది.
అప్పటి నుండి కంపెనీ తన తుది ఉత్పత్తి మోడల్‌ను త్వరలో మార్కెట్లో విడుదల చేయవచ్చని భావిస్తున్నారు. ఇది కంపెనీ మొట్టమొదటి ఫ్లెక్స్ ఫ్యూయల్ కారు. ఇది మాత్రమే కాదు, ఈ కారు ఢిల్లీలోని సొసైటీ ఆఫ్ ఇండియన్ ఆటోమొబైల్ మాన్యుఫ్యాక్చరర్స్ ఇథనాల్ టెక్నాలజీ ఎగ్జిబిషన్‌లో కూడా ప్రదర్శించారు.
మారుతీ ఫ్లెక్స్ ఫ్యూయల్ వ్యాగన్ ఆర్ దేశంలో తయారు చేస్తారు. ఇది ముడి చమురు దిగుమతులను తగ్గించి, పచ్చని వాతావరణాన్ని పెంపొందిస్తుంది. ఫ్లెక్స్ ఫ్యూయల్ మోడల్ ఏదైనా 20శాతం (E20), 85శాతం (E85) ఇథనాల్-పెట్రోల్ ఇంధనంతో పని చేయగలదు. ఈ సంవత్సరం మారుతి సుజుకి తన మొదటి EVని పరిచయం చేసింది. దాని తర్వాత అది ఫ్లెక్స్ ఫ్యూయల్ మోడల్‌ను కూడా ప్రారంభించవచ్చు. రాబోయే కాలంలో కంపెనీ బయోగ్యాస్ కార్లపై కూడా దృష్టి సారిస్తుంది.
ఈ సంవత్సరం, హ్యుందాయ్ ఆటో ఎక్స్‌పోలో క్రెటా ఫ్లెక్స్ ఇంధనాన్ని కూడా ప్రదర్శించింది. కొత్త క్రెటా ఫ్లెక్స్ ఫ్యూయల్‌లో 998సీసీ టర్బో ఇంజన్ ఉంది, ఇది 120 పిఎస్ పవర్, 172 న్యూటన్ మీటర్ టార్క్‌ను ఉత్పత్తి చేస్తుంది. ఇందులో 6 స్పీడ్ ఆటోమేటిక్ ట్రాన్స్‌మిషన్ కూడా ఉంది. ఈ ఇంజన్‌తో ఎస్‌యూవీని 100శాతం ఇథనాల్‌తో కూడా నడపవచ్చు. దీని మైలేజీకి సంబంధించి ఇంకా ఎలాంటి సమాచారం అందలేదు. రాబోయే కొద్ది నెలల్లో ఈ కొత్త మోడల్‌ను భారత మార్కెట్లో విడుదల చేయవచ్చని భావిస్తున్నారు.