Best Selling Bikes: ఈ బైక్‌నే మోజుపడి కొంటున్నారు.. ‘హీరో స్ప్లెండర్‌’కి సాటేది.. సేల్స్‌లో దుమ్మురేపుతున్నాయ్..!

Best Selling Bikes: భారతీయ కస్టమర్లలో ద్విచక్ర వాహనాలకు డిమాండ్ నిరంతరం పెరుగుతోంది. గత నెల అంటే అక్టోబర్ 2024లో ద్విచక్ర వాహనాల సెగ్మెంట్ అమ్మకాల గురించి మాట్లాడినట్లయితే.. మరోసారి హీరో స్ప్లెండర్ అగ్రస్థానాన్ని సాధించింది. హీరో స్ప్లెండర్ గత నెలలో మొత్తం 3,916,12 యూనిట్ల ద్విచక్ర వాహనాలను విక్రయించింది. సరిగ్గా 1 సంవత్సరం క్రితం అంటే అక్టోబర్, 2023లో హీరో స్ప్లెండర్‌కు మొత్తం 3,11,031 మంది కస్టమర్‌లు ఉన్నారు. ఈ కాలంలో వార్షిక ప్రాతిపదికన హీరో స్ప్లెండర్ అమ్మకాలలో 25.91 శాతం పెరుగుదల కనిపించింది. ఈ క్రమంలో గత నెలలో అత్యధికంగా అమ్ముడైన 10 ద్విచక్ర వాహనాల విక్రయాల గురించి వివరంగా తెలుసుకుందాం.

ఈ విక్రయాల జాబితాలో హోండా యాక్టివా రెండో స్థానంలో నిలిచింది. ఈ కాలంలో హోండా యాక్టివా వార్షికంగా 21.91 శాతం పెరుగుదలతో మొత్తం 2,66,806 యూనిట్ల ద్విచక్ర వాహనాలను విక్రయించింది. కాగా, ఈ విక్రయాల జాబితాలో హోండా షైన్ మూడో స్థానంలో నిలిచింది. ఈ కాలంలో హోండా షైన్ వార్షికంగా 19.99 శాతం పెరుగుదలతో మొత్తం 1,96,288 యూనిట్ల ద్విచక్ర వాహనాలను విక్రయించింది. ఇది కాకుండా, ఈ విక్రయాల జాబితాలో హీరో హెచ్‌ఎఫ్ డీలక్స్ నాలుగో స్థానంలో ఉంది.

హీరో హెచ్‌ఎఫ్ డీలక్స్ ఈ కాలంలో వార్షికంగా 5.63 శాతం పెరుగుదలతో మొత్తం 1,24,343 యూనిట్ల ద్విచక్ర వాహనాలను విక్రయించింది. అదే సమయంలో ఈ విక్రయాల జాబితాలో బజాజ్ పల్సర్ ఐదవ స్థానంలో ఉంది. బజాజ్ పల్సర్ ఈ కాలంలో 30.78 శాతం వార్షిక క్షీణతతో మొత్తం 1,11,834 యూనిట్ల ద్విచక్ర వాహనాలను విక్రయించింది.మరోవైపు, ఈ విక్రయాల జాబితాలో టీవీఎస్ జూపిటర్ ఆరో స్థానంలో ఉంది. TVS జూపిటర్ ఈ కాలంలో 19.47 శాతం వార్షిక పెరుగుదలతో మొత్తం 1,09,702 యూనిట్ల ద్విచక్ర వాహనాలను విక్రయించింది.

అయితే ఈ విక్రయాల జాబితాలో సుజుకి యాక్సెస్ ఏడవ స్థానంలో ఉంది. ఈ కాలంలో సుజుకి యాక్సెస్ 31.46 శాతం వార్షిక పెరుగుదలతో మొత్తం 74,813 యూనిట్ల ద్విచక్ర వాహనాలను విక్రయించింది. బజాజ్ ప్లాటినా మొత్తం 61,689 యూనిట్ల ద్విచక్ర వాహనాలను విక్రయించడం ద్వారా వార్షికంగా 17.24 శాతం క్షీణతతో ఎనిమిదో స్థానంలో ఉంది. మరోవైపు, TVS XL 52,380 యూనిట్ల ద్విచక్ర వాహనాల విక్రయాలతో తొమ్మిదో స్థానంలో ఉండగా.. TVS రైడర్ 51,153 యూనిట్ల విక్రయాలతో పదో స్థానంలో ఉన్నాయి.