Honda Activa 110 Launched: హోండా స్కూటర్ అండ్ మోటార్‌సైకిల్ ఇండియా నెం.1 స్కూటర్ తయారీ కంపెనీ. ముఖ్యంగా 1999లో విడుదలైన ‘యాక్టివా 110’ గత 2 దశాబ్దాలుగా కంపెనీ బెస్ట్ సెల్లర్ స్కూటర్‌గా ఉంది. దీంతో పెద్ద సంఖ్యలో వినియోగదారులు కొనుగోలు చేసేందుకు సిద్ధమయ్యారు. ప్రస్తుతం అదే Activa 110 స్కూటర్ కొన్ని అప్‌గ్రేడ్లతో అమ్మకానికి వచ్చింది. దాని గురించి పూర్తి వివరాలు తెలుసుకుందాం.
కొత్త హోండా యాక్టివా 110 స్కూటర్‌ను చాలా తక్కువ ధరకే పరిచయం చేసింది. ఇది రూ.80,950 ఎక్స్-షోరూమ్ ధరను కలిగి ఉంది. దీని డిజైన్ చాలా ఆకర్షణీయంగా ఉంటుంది. అలానే చక్కని ఎల్‌ఈడీ లైట్లు ఉన్నాయి. ఇది వివిధ రంగులలో కొనుగోలు చేయడానికి కూడా అందుబాటులో ఉంటుంది.
ఈ హోండా యాక్టివా 110 స్కూటర్ పవర్‌ట్రెయిన్ OBD-2B ప్రమాణాల ప్రకారం అప్‌గ్రేడ్ అవుతుంది. ఇది 7.9 పీఎస్ హార్స్‌పవర్, 9.05 ఎన్ఎమ్ పీక్ టార్క్‌ను విడుదల చేసే 109.51 cc ఎయిర్-కూల్డ్ సింగిల్ సిలిండర్ పెట్రోల్ ఇంజన్ కలిగి ఉంటుంది. స్కూటర్ లీటర్‌పై 59.5 కెఎమ్‌పిఎల్ మైలేజ్ ఇస్తుంది.
కొత్త Activa 110 స్కూటర్ ప్రత్యేకంగా 4.2-అంగుళాల TFT ఇన్స్ట్రుమెంట్ కన్సోల్‌ను కలిగి ఉంటుంది. ఇది ఇంధన స్థాయి, ఓడోమీటర్‌కు సంబంధించిన సమాచారాన్ని అందిస్తుంది. బ్లూటూత్ సహాయంతో దీన్ని స్మార్ట్‌ఫోన్‌కు కూడా కనెక్ట్ చేయచ్చు. అలాగే Honda RoadSync ఫోన్ యాప్ టర్న్-బై-టర్న్ నావిగేషన్ అండ్ కాల్/ఎస్ఎమ్ఎస్ అలర్ట్‌లను ఇస్తుంది.
కొత్త హోండా యాక్టివా స్కూటర్‌లో ఫ్రంట్ (ముందు) టెలిస్కోపిక్ ఫోర్క్, వెనుక (వెనుక) సింగిల్-సైడ్ షాక్ అబ్జార్బర్ సస్పెన్షన్ సెటప్ ఉన్నాయి. రైడర్ ప్రొటక్షన్ కోసం డ్రమ్ బ్రేక్‌లు ఉన్నాయి. ఇది ముందు 12-అంగుళాల అల్లాయ్ వీల్ సెటప్,వెనుక 10-అంగుళాలను కలిగి ఉంటుంది.
హోండా యాక్టివా 125 కొనుగోలు చేయడానికి కూడా అందుబాటులో ఉంది. దీని ధర రూ.94,442 నుండి రూ.97,146 ఎక్స్-షోరూమ్. దీనిలో 123.92 cc పెట్రోల్ ఇంజన్ ఉంది. 47 kmpl మైలేజీని అందిస్తుందని అంచనా. ఇందులో టిఎఫ్‌టి కన్సోల్, యుఎస్‌బి ఛార్జింగ్ పోర్ట్ సహా వివిధ ఫీచర్లు ఉన్నాయి.
హోండా యాక్టివా ఇ ఎలక్ట్రిక్ స్కూటర్ ధర రూ.1.17 లక్షలు (ఎక్స్-షోరూమ్). ఇది 1.5 కిలోవాట్ (kWh) కెపాసిటీ గల 2 బ్యాటరీ ప్యాక్‌లను కలిగి ఉంటుంది. పూర్తి ఛార్జ్‌పై 102 కిలోమీటర్ల పరిధి (మైలేజ్) ఇస్తుంది. దీని గరిష్ట వేగం గంటకు 80 కిమీ. ఇది TFT ఇన్స్ట్రుమెంట్ క్లస్టర్‌తో సహా డజన్ల కొద్దీ ఫీచర్‌లను కలిగి ఉంది.