Top 5 Best Mileage Tips: బైక్.. ప్రస్తుత కాలంలో నిత్యావసర సాధనంలా మారిపోయింది. యువత, ఉద్యోగులు, వృద్ధుల వరకు వయసుతో సంబంధం లేకుండా బయటకు వెళ్లాలంటే బైక్ అవసరం సర్వసాధారణమై పోయింది. ఎటు వెళ్లాలన్నా బైక్‌పై రయ్యమంటూ దూసుకుపోవాల్సిందే. అంతగా బైక్ మన జీవితంలో భాగమైపోయింది. అయితే బైక్ పాతదయ్యే కొద్దీ, దాని మైలేజ్ ప్రభావితం కావడం తరచుగా కనిపిస్తుంది. బైక్ రైడర్స్ తమ బైక్ పాతదైనా, కొత్తదైనా అది విపరీతమైన మైలేజీని ఇవ్వాలని ఎప్పుడూ కోరుకుంటారు. లీటర్‌కు కనీసం 40 కూడా మైలేజీ ఇవ్వడం లేదని వాపోతుంటారు. మరి ఈ సమస్యను అరికట్టడం ఎలా? మైలేజ్ పెంచేందుకు ఏం చేయాలి? ఈ ప్రశ్నలకు సమాధానాలు ఇప్పుడు తెలుసుకుందాం.
1. మీ బైక్ మైలేజీని పెంచడానికి ముందుగా మీరు ఒక అలవాటును మార్చుకోవాలి. మీరు మీ బైక్‌ను ప్రకాశవంతమైన సూర్యకాంతిలో పార్క్ చేస్తే, వెంటనే అలా చేయడం మానేయండి. ఎందుకంటే బలమైన సూర్యకాంతి కారణంగా బైక్ ట్యాంక్ వేడిగా ఉంటుంది. దీని కారణంగా బైక్ మైలేజీపై ప్రతికూల ప్రభావం పడుతుంది. అందువల్ల, మీ బైక్‌ను నీడలో పార్క్ చేయడానికి ప్రయత్నించండి.
2. మీరు బైక్‌పై ఇంటి నుండి బయలుదేరినప్పుడు, మీరు తరచుగా ట్రాఫిక్‌ను ఎదుర్కోవలసి ఉంటుంది. అటువంటి పరిస్థితిలో బైక్‌ను మినిమమ్ గేర్‌లో ఉంచి నెమ్మదిగా నడపండి. ఇది కాకుండా రెడ్ లైట్ వద్ద మీ బైక్‌ను న్యూట్రల్‌లో ఉంచండి. ఇలా చేయడం వల్ల ఇంధన వినియోగం తగ్గి మైలేజీ మెరుగ్గా ఉంటుంది.
3. యువకులు అతి వేగంతో బైక్‌లు నడపడం తరచుగా కనిపిస్తుంది. బైక్‌ను ఆపేందుకు ఒక్కసారిగా బ్రేక్‌లు వేస్తారు. బహుశా మీకు తెలియకపోవచ్చు కానీ ఇలా చేయడం వల్ల ఇంధనం ఖర్చవుతుంది. అయితే స్లో స్పీడ్‌తో బైక్‌ను నడిపితే ఇంజన్‌పై ఒత్తిడి తగ్గడంతో పాటు బైక్ మైలేజ్ కూడా పెరుగుతుంది.
4. చాలా సార్లు ప్రజలు బైక్ నడుపుతున్నప్పుడు టైర్ ఒత్తిడిని పట్టించుకోరు. బైక్ టైర్‌లో గాలి ఎక్కువ లేదా తక్కువ ఉందా అనే విషయాన్ని పట్టించుకోకుండా బయలుదేరుతారు. అందువల్ల, కంపెనీ సిఫార్సు చేసిన విధంగా మీ బైక్ టైర్‌లో గాలిని నింపండి. ఇలా చేయడం వల్ల బైక్ మైలేజ్ ఎల్లప్పుడూ మెరుగ్గా ఉంటుంది.
5. తరచుగా కనిపించే ఒక తప్పు ఏమిటంటే ప్రజలు తమ బైక్‌లను నిర్లక్ష్యంగా నడుపుతారు. అయితే వాటిని ఎప్పటికప్పుడు సర్వీస్ చేయడం మర్చిపోతారు. మీరు కూడా ఇలా చేస్తే వెంటనే మీ అలవాటు మార్చుకోండి. మీ బైక్ లేదా స్కూటర్‌ని సమయానికి సర్వీస్ చేయడం ద్వారా, ఇంజన్ కండీషన్‌లో ఉంటుంది. అదే సమయంలో ఇంజన్ ఆయిల్ మార్చడం బైక్ పనితీరును బాగా ఉంచుతుంది. అలాగే మైలేజీ కూడా మెరుగ్గా ఉంటుంది.