కోలీవుడ్ :షూటింగ్ ఎప్పుడో పూర్తి చేసుకున్న "మాస్టర్" సినిమా థియేటర్లు అందుబాటులోకి రాకపోవడంతో ఇప్పటివరకు విడుదల కాలేదు. అయితే, తొలుత ఓటిటి లో విడుదల చేయాలని భావించినప్పటికీ, ఈ సినిమా విడుదల వాయిదా వేసి థియేటర్ల ఓపెనింగ్ కోసం ఎదురు చూసారు. తాజాగా, థియేటర్లకు అనుమతి రావడంతో, ఈ నెల పదమూడున ఈ సినిమా విడుదల చేయాలని భావించారు.

రేపు ప్రపంచవ్యాప్తంగా విడుదల కావాల్సి ఉండగా, ఒకరోజు ముందే ఈ సినిమా లీక్ అయింది. "మాస్టర్" ఒరిజినల్ కాపీ ఆన్ లైన్ లో కనిపించడంతో దర్శక నిర్మాతలు ఖంగు తిన్నారు. ఇప్పటికే ఈ సినిమా పై భారీగా అంచనాలు ఉన్నాయి. కానీ, అకస్మాత్తుగా ఈ చిత్రం విడుదల అవడంతో చిత్ర యూనిట్ సభ్యులు షాక్ లో ఉన్నారు. ఇందుకు సంబంధించిన వీడియోలు సోషల్ మీడియాలో షేర్ అవడం, వాట్సాప్ లో స్టేటస్ లు పెడుతుండడంతో చిత్ర యూనిట్ అలెర్ట్ అయింది.

ఈ సినిమా యూనిట్ కు జరిగిన నష్టం పై ఈ చిత్ర దర్శకుడు లోకేశ్ కనకరాజ్ సోషల్ మీడియాలో స్పందించారు. "దాదాపు ఏడాదిన్నర కాలం పాటు కష్టపడి ఈ సినిమాను రూపొందించామని, దయ చేసి ఈ సినిమాను థియేటర్ లోనే చూడాలని కోరుకుంటున్నట్లు తెలిపారు. మీ వద్దకు లీక్ అయినా వీడియోలు వస్తే, వాటిని షేర్ చేయవద్దని, ఇంకా ఒక్క రోజులోనే ఈ సినిమా మీ ముందుకు వస్తుందని ఆయన పేర్కొన్నారు. మరిన్ని వార్తలు చదవండి 

Dear all
It's been a 1.5 year long struggle to bring Master to u. All we have is hope that you'll enjoy it in theatres. If u come across leaked clips from the movie, please don't share it