హోంమంత్రి అమిత్ షా, ప్రధాని నరేంద్రమోడీలను కలవడానికి తమిళనాడు సిఎం ఎడప్పాడి పళనిస్వామి ఢిల్లీ పర్యటకు వెళ్లడం పై డిఎంకె అధినేత ఎంకె స్టాలిన్ ట్విట్టర్ లో సెటైర్లు వేసారు. రాష్ట్రంలోనీట్ పరీక్షలు, రైతుల సమస్యలు వున్నప్పటికీ ఉన్నాయని ఈ సమయంలో ఢిల్లీ పర్యటనకు అసలు కారణం ఏమిటని అడిగారు. 

శశికళ విడుదలపై పళనిస్వామి భయపడుతున్నారా అని స్టాలిన్  ప్రశ్నించారు. శశికళ జైలు నుంచి బయటకు రాకముందే ఆయన ప్రధాని కార్యాలయం, హోంమంత్రి సహాయం తీసుకుంటున్నారా అని అడిగారు. మాజీ  సీఎం జయలలిత సహాయకురాలు వి.కె.శశికళ జనవరి 27న బెంగళూరులోని పరప్పన అగ్రహర జైలు నుంచి విడుదల కానున్న విషయం తెలిసిందే.

ఢిల్లీలో హోంమంత్రి అమిత్ షాతో భేటీ అయిన తమిళనాడు సిఎం ఇపిఎస్, శశికళ ఎఐఎడిఎంకెలోకి రారని చెప్పారు "100% మంది శశికళ ఏఐఎడిఎంకె తిరిగి వచ్చే అవకాశం లేదని నేను చెప్పగలను అని ఆయన అన్నారు, శశికళ మద్దతుదారులు చాలా మంది తిరిగి ఏఐఎడిఎంకెలో ఉన్నారు. మరియు ఆమె శిబిరంలో కొద్దిమంది మాత్రమే ఉన్నారు. అమ్మ కూడా ఆమెను పార్టీకి దూరంగా ఉంచింది. అమ్మ మరణం తరువాత మాత్రమే శశికళ పార్టీలోకి ప్రవేశించింది. అమ్మ జీవించి ఉన్నప్పుడు ఆమె ఏఐడిఎంకెలో లేదని ఇపిఎస్ అన్నారు. మరిన్ని వార్తలు చదవండి