మాజీ ముఖ్యమంత్రి జె.జయలలిత సహాయకురాలు వికె శశికళ బుధవారం తాను రాజకీయాల నుంచి తప్పుకుంటున్నట్లు ప్రకటించారు. రాబోయే ఎన్నికల్లో ఐఎఎడిఎంకె క్యాడర్ ఐక్యంగా ఉండాలని, డిఎంకెను ఓడించాలని ఆమె కోరారు. శశికళ  జైలు నుండి విడుదలైన కొన్ని వారాల తరువాత  ఈ ప్రకటన వచ్చింది. ఈ మధ్యలో ఆమె ఏఐఏడిఎంకె తో పొత్తు పెట్టుకుని ఎన్నికల బరిలో దిగుతారన్న ఊహాగానాలు కూడ వచ్చాయి.

బుధవారం ఒక ప్రకటనలో, శశికళ, నేను ఎప్పుడూ పదవిని లేదా అధికారాన్ని కోరుకోలేదు. తమిళనాడు ప్రజలకు నేను ఎల్లప్పుడూ కృతజ్ఞతలు తెలుపుతున్నాను. నేను రాజకీయాలను విడిచిపెడుతున్నాను మరియు మంచి పాలనను స్థాపించాలని నా సోదరి (దివంగత సిఎం జయలలిత) మరియు దేవుడిని ప్రార్థిస్తున్నాను. అమ్మ యొక్క నిజమైన అనుచరులు 'చెడు' డిఎంకెకు వ్యతిరేకంగా పోరాడటానికి ప్రయత్నించాలి మరియు అమ్మ ప్రభుత్వాన్ని స్థాపించాలని లక్ష్యంగా పెట్టుకోవాలని అన్నారు.

ఆమె జైలు నుండి విడుదలయిన తరువాత  ఏఐఏడిఎంకె లో చేరతారనే ఊ హాగానాలు చెలరేగాయి. అయితే ఏఐఏడిఎంకె తన పార్టీ నాయకులను మరియు కార్యకర్తలను ఆమెను కలవవద్దని లేదా ఆమె చెన్నైకి తిరిగి వచ్చినప్పుడు స్వాగతించవద్దని హెచ్చరించింది. తమ పార్టీ జెండాను ఉపయోగించవద్దని శశికళను హెచ్చరించింది. అయితే ఏఐఏడిఎంకె పార్టీ జెండా వున్న వాహనంలో శశికళ చెన్నై చేరుకున్నారు.