అంతర్జాతీయ విమాన సర్వీసులపై భారత్ విధించిన ఆంక్షలు మరికొన్ని రోజులు కొనసాగనున్నాయి. కరోనా నిబంధనలను మార్చి 1 వరకు కొనసాగిస్తామంటూ తాజాగా కేంద్రం ప్రకటించింది. ఈ మేరకు డైరెక్టర్ జనరల్ ఆఫ్ సివిల్ ఏవియేషన్ (డీజీసీఏ) ఓ ప్రకటన చేసింది. మార్చి 31 అర్ధరాత్రి వరకు ఈ ఆంక్షలు అమలులో ఉంటాయని, అంతర్జాతీయ విమానాశ్రయాలనుంచి వచ్చే విమానాలపై ఆంక్షలు కొనసాగుతాయని స్పష్టం చేసింది.

అయితే,  డీజీసీఏ అనుమతించే ప్రత్యేక విమానాలకు, కార్గో సర్వీసులకు మాత్రం ఈ ఆంక్షలు వర్తించవని పేర్కొంది. లాక్ డౌన్ తరువాత పడిపోయిన ఆర్ధిక వ్యవస్థను తిరిగి గాడిలో పెట్టడం కోసం కేంద్ర ప్రభుత్వం వరుసగా ఆంక్షలను సడలిస్తూ వచ్చింది. అయితే అంతర్జాతీయ విమాన సర్వీసులపై మాత్రం ఈ ఆంక్షలను తొలగించలేదు. తాజాగా, వీటిని మరో నెల రోజుల పటు పొడిగిస్తూ ఉత్తర్వులు విడుదల చేసింది. డొమెస్టిక్ విమాన సర్వీసులు గతేడాది చివరలో మొదలైనప్పటికీ, కరోనా కేసులు మళ్ళీ పెరుగుతుండడంతో ప్రభుత్వం అప్రమత్తంగా ఉంది.