నిసర్గ తుపాను ముప్పు పొంచి ఉన్న సంగతి తెలిసిందే. నిసర్గ తుఫాను ప్రభావంతో ఆరేబియా సముద్రం అల్లకల్లోలంగా మారింది. గుజరాత్ మరియు మహారాష్ట్ర తీరాల వద్ద అలలు ఎగసిపడుతున్నాయి. 16 ఎన్‌డీఆర్ఎఫ్ బృందాలను గుజరాత్ తీర ప్రాంతాల్లో మోహరించారు. ఆ ప్రాంతాలకు చెందిన దాదాపు 20,000 మందిని సురక్షితమైన ప్రదేశాలకు తరలించారు. గుజరాత్ లోని ద్వారకా పుణ్యక్షేత్రం వద్ద అలల ఉద్ధృతి మరింత ఎక్కువగా ఉంది. దాదాపు 15 నుంచి 20 అడుగుల ఎత్తులో రాకాసి అలలు ఎగసి పడుతూ ఉన్నాయి.