ఫోన్ నంబర్లు మరియు ఇతర డేటాతో సహా 500 మిలియన్లకు పైగా ఫేస్ బుక్ వినియోగదారుల సమాచారాన్ని ఉచితంగా అందిస్తున్నట్లు ఒక లీకర్ ప్రకటించి సంచలనం రేపాడు. ఇజ్రాయెల్ సైబర్ క్రైమ్ ఇంటెలిజెన్స్ సంస్థ హడ్సన్ రాక్ సహ వ్యవస్థాపకుడు అలోన్ గాల్ ప్రకారం, ఆ డేటాబేస్ జనవరి నుండి హ్యాకర్ సర్కిల్‌లలో చెలామణి అవుతున్న ఫేస్ బుక్-లింక్డ్ టెలిఫోన్ నంబర్ లు లానే కనిపిస్తుందని పేర్కొన్నారు.

ఫేస్ బుక్ డేటా లీక్ 106 దేశాల నుండి 533 మిలియన్లకు పైగా ఫేస్ బుక్ ఖాతాలను తాకింది. వీటిలో భారతదేశంలో 6 మిలియన్లకు పైగా వినియోగదారులు, యుఎస్లో 32 మిలియన్లు మరియు యుకెలో 11 మిలియన్లు ఉన్నారు.తనకు తెలిసిన వ్యక్తుల ఫోన్ నంబర్లతో పోల్చడం ద్వారా కనీసం కొన్ని డేటా యొక్క ప్రామాణికతను శనివారం అలోన్ గాల్ ధృవీకరించారు. ఇతర జర్నలిస్టులు డేటా డంప్ లోని వివరాలతో తెలిసిన ఫోన్ నంబర్లను కూడా సరిపోల్చగలిగారు.

అయితే ఈ డేటా చాలా పాతది మరియు 2019 ఆగస్టులో పరిష్కరించిన సమస్యకు సంబంధించినదని ఫేస్ బుక్ ఒక ప్రకటనలో తెలిపింది. మెసేజింగ్ సర్వీస్ టెలిగ్రామ్ ద్వారా లీకర్ ను చేరుకోవడానికి రాయిటర్స్ చేసిన ప్రయత్నం అయితే విజయవంతం కాలేదు.