Breaking News

ట్రంప్ నిర్ణయంపై టిక్ టాక్ న్యాయపోరాటం

24 th Aug 2020, UTC
ట్రంప్ నిర్ణయంపై టిక్ టాక్ న్యాయపోరాటం
 
వాషింగ్టన్ :టిక్‌టాక్‌ యాప్‌ను తమ దేశంలో నిషేధించేందుకు అమెరికా అధ్యక్షుడు డొనాల్డ్ ట్రంప్‌ ఎగ్జిక్యూటివ్ ఆర్డర్‌పై సంతకం చేసిన విషయం తెలిసిందే. అయితే  ట్రంప్ ప్రభుత్వం చేస్తున్న ప్రయత్నాలను ఇక న్యాయస్థానంలోనే అడ్డుకుంటామని టిక్‌టాక్ సంస్థ స్పష్టం చేసింది.
 
తమ వాదనలను వినేందుకు అమెరికా పాలనా విభాగం సుముఖంగా లేకపోవడంతో దీన్ని న్యాయస్థానంలో సవాలు చేసేందుకు సిద్ధమైనట్లు వివరించింది. టిక్‌టాక్‌ యాజమాన్య హక్కులను అమెరికా సంస్థలకు బదిలీ చేయకపోతే నిషేధిస్తామని అధ్యక్షుడు డొనాల్డ్‌ ట్రంప్‌ హెచ్చరించారు. ఈ సమయంలో ప్రభుత్వంతో సంప్రదింపుల కోసం అన్నిదారులు మూసుకుపోయినట్లు టిక్‌టాక్‌ అభిప్రాయపడింది.
 
‘టిక్‌టాక్‌ విషయంలో మా అభిప్రాయాలను వినేందుకు అమెరికా ప్రభుత్వం సిద్ధంగా లేదు. ఈ సమయంలో తాము చట్టాన్ని అతిక్రమించలేదని, మా సంస్థతోపాటు వినియోగదారులు చట్టబద్ధంగా నడుచుకున్నామని నిరూపించుకోవడానికి మాకున్న ఏకైక మార్గం న్యాయవ్యవస్థనే. అందుకే ట్రంప్‌ సంతకం చేసిన కార్యనిర్వాహక ఉత్తర్వులను సవాల్ చేస్తూ ఈ వారం రోజుల్లోనే న్యాయస్థానాన్ని ఆశ్రయిస్తాం’ అని టిక్‌టాక్‌ అధికార ప్రతినిధి జోష్‌ గార్ట్నర్‌ వెల్లడించారు.
 
దాదాపు ఏడాదిగా ఈ సమస్య పరిష్కారం కోసం అమెరికా ప్రభుత్వంతో సంప్రదింపుల కోసం ప్రయత్నించాం. కానీ ఫలించలేదని పేర్కొన్నారు. వాస్తవాలను తెలియజేసే అవకాశాన్ని తమకు అమెరికా ప్రభుత్వం ఇవ్వలేదు, వేరే దారి లేక న్యాయపరంగా ముందుకెళ్లాలని భావిస్తున్నామని బైట్‌డ్యాన్స్ ఓ ప్రకటనలో వివరించింది.
 
ఇదిలా ఉండగా, టిక్‌టాక్‌ అమెరికా విభాగాన్ని కొనుగోలు చేయడానికి మైక్రోసాఫ్ట్‌ చర్చలు జరిపిన విషయం తెలిసిందే. అలాగే, సోషల్ మీడియా దిగ్గజం ట్విటర్ కూడా టిక్‌టాక్‌ కొనుగోలుకు ఆసక్తి చూపుతోంది. భారత్‌లో ఇప్పటికే ఈ యాప్‌పై నిషేధం నేపథ్యంలో దీన్ని సొంతం చేసుకునేందుకు రిలయన్స్‌ కూడా టిక్‌టాక్‌ మాతృసంస్థ బైట్‌డాన్స్‌తో చర్చలు జరుపుతున్నట్టు వార్తలు వచ్చాయి. అమెరికాలో టిక్‌టాక్‌కు 100 మిలియన్ల మంది యూజర్లు, 1,500 మంది ఉద్యోగాలు, వేలాది సంస్థలు వ్యాపార భాగస్వాములుగా ఉన్నాయి. మరిన్ని వార్తలు చదవండి.

ట్రంప్ నిర్ణయంపై టిక్ టాక్ న్యాయపోరాటం

24 th Aug 2020, UTC
ట్రంప్ నిర్ణయంపై టిక్ టాక్ న్యాయపోరాటం
 
వాషింగ్టన్ :టిక్‌టాక్‌ యాప్‌ను తమ దేశంలో నిషేధించేందుకు అమెరికా అధ్యక్షుడు డొనాల్డ్ ట్రంప్‌ ఎగ్జిక్యూటివ్ ఆర్డర్‌పై సంతకం చేసిన విషయం తెలిసిందే. అయితే  ట్రంప్ ప్రభుత్వం చేస్తున్న ప్రయత్నాలను ఇక న్యాయస్థానంలోనే అడ్డుకుంటామని టిక్‌టాక్ సంస్థ స్పష్టం చేసింది.
 
తమ వాదనలను వినేందుకు అమెరికా పాలనా విభాగం సుముఖంగా లేకపోవడంతో దీన్ని న్యాయస్థానంలో సవాలు చేసేందుకు సిద్ధమైనట్లు వివరించింది. టిక్‌టాక్‌ యాజమాన్య హక్కులను అమెరికా సంస్థలకు బదిలీ చేయకపోతే నిషేధిస్తామని అధ్యక్షుడు డొనాల్డ్‌ ట్రంప్‌ హెచ్చరించారు. ఈ సమయంలో ప్రభుత్వంతో సంప్రదింపుల కోసం అన్నిదారులు మూసుకుపోయినట్లు టిక్‌టాక్‌ అభిప్రాయపడింది.
 
‘టిక్‌టాక్‌ విషయంలో మా అభిప్రాయాలను వినేందుకు అమెరికా ప్రభుత్వం సిద్ధంగా లేదు. ఈ సమయంలో తాము చట్టాన్ని అతిక్రమించలేదని, మా సంస్థతోపాటు వినియోగదారులు చట్టబద్ధంగా నడుచుకున్నామని నిరూపించుకోవడానికి మాకున్న ఏకైక మార్గం న్యాయవ్యవస్థనే. అందుకే ట్రంప్‌ సంతకం చేసిన కార్యనిర్వాహక ఉత్తర్వులను సవాల్ చేస్తూ ఈ వారం రోజుల్లోనే న్యాయస్థానాన్ని ఆశ్రయిస్తాం’ అని టిక్‌టాక్‌ అధికార ప్రతినిధి జోష్‌ గార్ట్నర్‌ వెల్లడించారు.
 
దాదాపు ఏడాదిగా ఈ సమస్య పరిష్కారం కోసం అమెరికా ప్రభుత్వంతో సంప్రదింపుల కోసం ప్రయత్నించాం. కానీ ఫలించలేదని పేర్కొన్నారు. వాస్తవాలను తెలియజేసే అవకాశాన్ని తమకు అమెరికా ప్రభుత్వం ఇవ్వలేదు, వేరే దారి లేక న్యాయపరంగా ముందుకెళ్లాలని భావిస్తున్నామని బైట్‌డ్యాన్స్ ఓ ప్రకటనలో వివరించింది.
 
ఇదిలా ఉండగా, టిక్‌టాక్‌ అమెరికా విభాగాన్ని కొనుగోలు చేయడానికి మైక్రోసాఫ్ట్‌ చర్చలు జరిపిన విషయం తెలిసిందే. అలాగే, సోషల్ మీడియా దిగ్గజం ట్విటర్ కూడా టిక్‌టాక్‌ కొనుగోలుకు ఆసక్తి చూపుతోంది. భారత్‌లో ఇప్పటికే ఈ యాప్‌పై నిషేధం నేపథ్యంలో దీన్ని సొంతం చేసుకునేందుకు రిలయన్స్‌ కూడా టిక్‌టాక్‌ మాతృసంస్థ బైట్‌డాన్స్‌తో చర్చలు జరుపుతున్నట్టు వార్తలు వచ్చాయి. అమెరికాలో టిక్‌టాక్‌కు 100 మిలియన్ల మంది యూజర్లు, 1,500 మంది ఉద్యోగాలు, వేలాది సంస్థలు వ్యాపార భాగస్వాములుగా ఉన్నాయి. మరిన్ని వార్తలు చదవండి.

SUBSCRIBE TO OUR NEWSLETTER

Join our subscribers to get the latest news, updates & special offers delivered directly in your inbox