Trigrahi Yog 2025: గ్రహాల కదలిక ఒక రాశిలో కేంద్రీకృతమైనప్పుడు.. దాని ప్రభావం కేవలం ఆకాశంపై మాత్రమే పరిమితం కాదు. ఇది మన జీవితాలను, ఆలోచనలను, నిర్ణయాలను కూడా ప్రత్యక్షంగా ప్రభావితం చేస్తుంది. మే 8న శని, రాహువు, శుక్రుడు కలిసి త్రిగ్రహి యోగాన్ని సృష్టించనున్నారు.
ఇది మాత్రమే కాదు.. నాలుగు పెద్ద గ్రహాలు శని, రాహువు, శుక్రుడు, బుధుడు కూడా మీన రాశిలో కలిసి ఉండటం ద్వారా చతుగ్రహి యోగాన్ని సృష్టిస్తాయి. దీంతో పాటు, శని రాహువు జంట పిశాచ యోగాన్ని కూడా సృష్టిస్తుంది. ఈ యోగాలు మన మనస్సు, సంబంధాలు, నిర్ణయాలను ప్రభావితం చేస్తాయి.
కొన్నిసార్లు మీకు ఎటువంటి స్పష్టమైన కారణం లేకుండానే అసౌకర్యంగా అనిపించవచ్చు లేదా ముఖ్యమైన పని ఆగిపోవచ్చు. అంతే కాకుండా సంబంధాలలో గందరగోళం కూడా ఏర్పడుతుంది. మరికొందరు కెరీర్ లేదా మానసిక ఒత్తిడిని ఎదుర్కొంటారు. ఇలాంటి పరిస్థితిలో.. ఈ ప్రత్యేక గ్రహాల కలయిక వల్ల ఏ రాశులు ఎక్కువగా ప్రభావితమవుతాయో ? ఎవరు జాగ్రత్తగా ఉండాలో తెలుసుకోవడం ముఖ్యం.
మిథున రాశి: మే 8న మీన రాశిలో ఏర్పడే త్రిగ్రహి యోగం.. మిథున రాశి వారి ఆర్థిక విషయాలపై తీవ్ర ప్రభావాన్ని చూపుతుంది. ఈ సమయంలో.. శని, రాహువు , శుక్రుల కలయిక మీ ఖర్చులలో అకస్మాత్తుగా పెరుగుదలకు కారణమవుతుంది. డబ్బు పెట్టుబడి పెట్టేటప్పుడు లేదా అప్పు తీసుకునేటప్పుడు చాలా జాగ్రత్తగా ఉండండి. ఎందుకంటే డబ్బు చిక్కుకుపోయే లేదా మోసపోయే అవకాశాలు ఉన్నాయి. ఎవరికీ డబ్బులు ఇస్తానని మాట ఇవ్వకండి. ఈ సమయంలో డబ్బుకు సంబంధించిన ఆందోళన పెరుగుతుంది. ఏదైనా పాత లావాదేవీ కూడా తలనొప్పిగా మారతాయి. కుటుంబ ఖర్చులు , అవసరాల మధ్య సమతుల్యతను కాపాడుకోవడం చాలా ముఖ్యం.
వృశ్చిక రాశి: ఈ రాశి వారికి.. త్రిగ్రహి యోగం వ్యక్తిగత జీవితంలో, ఆర్థిక విషయాలలో ఒత్తిడిని తెస్తుంది. మీరు మీ ప్రియమైనవారి నుండి కొంచెం దూరమైనట్లు అనిపిస్తుంది. లేదా సంబంధాలలో చెప్పలేని దూరం కూడా పెరుగుతుంది. ప్రేమ సంబంధాలలో గందరగోళం, అపార్థం వంటివి పెరుగుతాయి. అలాగే, ఆర్థికంగా ఇది సవాలుతో కూడిన సమయం. మీరు అప్పు తీసుకోవలసి వస్తుంది. లేదా అకస్మాత్తుగా పెద్ద ఖర్చు చేయాల్సి వస్తుంది. మీరు పనిలో ప్రతిష్టంభన, మానసిక అస్థిరతను అనుభవిస్తారు. తొందరపడి ఎలాంటి నిర్ణయం తీసుకోకపోవడం మంచిది.
ధనస్సు రాశి: ధనస్సు రాశి వారికి.. మీన రాశిలో ఏర్పడే ఈ త్రిగ్రహి యోగం అనేక మార్పులను కలిగిస్తుంది. ఉద్యోగులు ఆఫీసుల్లో బాస్ ఒత్తిడిని ఎదుర్కోవలసి ఉంటుంది. ఆఫీసుల్లో కష్టపడి పనిచేసినా కూడా తక్షణ ఫలితాలు రావు. ఇది నిరాశకు దారితీస్తుంది. ఈ సమయం భవిష్యత్తు కోసం మిమ్మల్ని బలోపేతం చేయడానికి ప్రయత్నిస్తోంది కాబట్టి ఓపికపట్టండి. కుటుంబ సమస్యలు కూడా పెరిగే అవకాశాలు ఎక్కువగా ఉన్నాయి.
మీన రాశి: త్రిగ్రహి యోగం మీన రాశిలో ఏర్పడుతుంది. కాబట్టి ఈ రాశి వారిపై దీని ప్రభావం ఎక్కువగా ఉంటుంది. ఈ సమయంలో అదృష్టం మీకు అనుకూలంగా ఉండదు. దీని కారణంగా మీరు ఎంత ప్రయత్నించినప్పటికీ మీరు ఆశించిన ఫలితాలను పొందలేరు. మనసులో అసంతృప్తి ఉంటుంది. కొన్నిసార్లు ప్రతిదీ చేయి దాటిపోతున్నట్లు అనిపిస్తుంది. మీ ఆరోగ్యం పట్ల జాగ్రత్తగా ఉండండి. అలసట, నిద్రలేమి లేదా దీర్ఘకాలిక అనారోగ్యం తలెత్తుతాయి. ఇది ఆర్థికంగా కూడా ఒత్తిడితో కూడిన సమయం. ఆందోళన పెరుగుతుంది. ధ్యానం, ప్రార్థన లేదా ఏదైనా ఆధ్యాత్మిక సాధన మానసిక ప్రశాంతతకు సహాయపడుతుంది.