Breaking News

KRMB report: రాయలసీమ ఎత్తిపోతలపై కేఆర్ఎంబీ నివేదిక

15 th Aug 2021, UTC
KRMB report: రాయలసీమ ఎత్తిపోతలపై కేఆర్ఎంబీ నివేదిక

ఆంధ్రప్రదేశ్ ప్రభుత్వం చేపట్టిన రాయలసీమ ఎత్తిపోతల పథకం పనులు జరుగుతున్న ప్రదేశాన్ని కృష్ణా నది యాజమాన్యం బోర్డు (కేఆర్ఎంబీ) సభ్యులు ఆగస్టు 11న సందర్శించి నివేదికను రూపొందించారు. ఏపీ ప్రభుత్వం చెప్పినట్లుగా సమగ్ర ప్రాజెక్టు నివేదిక (డీపీఆర్‌) తయారీకి అవసరమైన మేరకే పరిమితం కాలేదని పేర్కొన్నారు. డీపీఆర్‌ రూపకల్పనకు 2010లో కేంద్ర జలశక్తి శాఖ జారీ చేసిన మార్గదర్శకాలకు మించి పనులు జరుగుతున్నాయని తెలిపింది. అప్రోచ్‌ చానల్‌, ఫోర్‌బే, పంప్‌హౌస్‌, లింక్‌ కెనాల్‌ నిర్మాణం కోసం విస్తృతంగా తవ్వకాలు జరిగాయని వివరించింది.

డీపీఆర్‌లో 12 సొరంగాలు పేర్కొంటే పది సొరంగాల తవ్వకాలు జరిగాయని, నిర్మాణ కార్యక్రమాల కోసం రెండు బ్యాచింగ్‌ ప్లాంట్లు నెలకొల్పారని, అక్కడ ఇసుక, కంకర నిల్వ చేశారని, కొన్ని షెడ్లు వేశారని ప్రస్తావించింది. నేషనల్ గ్రీన్ ట్రైబ్యునల్ (ఎన్జీటీ) ఆదేశాల మేరకు రాయలసీమ ఎత్తిపోతల పథకం పనులు జరుగుతున్న ప్రదేశాన్ని కేఆర్‌ఎంబీ సభ్య కార్యదర్శి, కమిటీ కన్వీనర్‌ డీఎం రాయిపూరే, సభ్యులు(పవర్‌) ఎల్‌బీ ముత్తంగ్‌, నిపుణుడు దర్పణ్‌తల్వార్‌లతో కూడిన ప్రతినిధి బృందం  సందర్శించింది.

మొత్తం 12 పేజీల సమగ్ర నివేదికను రూపొందించి, పనులు ఎంత మేర జరిగాయో వివరించే విధంగా సేకరించిన ఫొటోలను దానికి జత చేసి ఎన్జీటీకి సమర్పించింది. తమ బృందం తనిఖీల సమయంలో ఎటువంటి పనులూ జరగడం లేదని చెప్పింది. డీపీఆర్‌ తయారీకి భూసార పరీక్షలు, ఇతరత్రా తవ్వకాలు జరగాల్సి ఉండగా, అవసర మైన దానికన్నా ఎక్కువే పనులు జరిగాయని స్పష్టం చేసింది. పర్యావరణ అనుమతులు లేకుండా రాయలసీమ ప్రాజెక్టు పనులు చేపట్టవద్దని ఎన్జీటీ ఆదేశాలను ఏపీ ప్రభుత్వం ఉల్లంఘించిందని నారాయణపేట జిల్లాకు చెందిన గవినోళ్ల శ్రీనివాస్‌ కోర్టు ధిక్కారణ పిటిషన్ దాఖలు చేశారు. దీనిపై విచారణ చేపట్టిన ఎన్జీటీ ధర్మాసనం కృష్ణా బోర్డు తనిఖీలకు ఆదేశించింది. తనిఖీలు చేపట్టి నివేదిక అందించిన నేపథ్యంలో 16వ తేదీన ఈ నివేదిక ఆధారంగా ఎన్జీటీ విచారణ జరపనుంది. మరిన్ని వార్తలు చదవండి 


KRMB report: రాయలసీమ ఎత్తిపోతలపై కేఆర్ఎంబీ నివేదిక

15 th Aug 2021, UTC
KRMB report: రాయలసీమ ఎత్తిపోతలపై కేఆర్ఎంబీ నివేదిక

ఆంధ్రప్రదేశ్ ప్రభుత్వం చేపట్టిన రాయలసీమ ఎత్తిపోతల పథకం పనులు జరుగుతున్న ప్రదేశాన్ని కృష్ణా నది యాజమాన్యం బోర్డు (కేఆర్ఎంబీ) సభ్యులు ఆగస్టు 11న సందర్శించి నివేదికను రూపొందించారు. ఏపీ ప్రభుత్వం చెప్పినట్లుగా సమగ్ర ప్రాజెక్టు నివేదిక (డీపీఆర్‌) తయారీకి అవసరమైన మేరకే పరిమితం కాలేదని పేర్కొన్నారు. డీపీఆర్‌ రూపకల్పనకు 2010లో కేంద్ర జలశక్తి శాఖ జారీ చేసిన మార్గదర్శకాలకు మించి పనులు జరుగుతున్నాయని తెలిపింది. అప్రోచ్‌ చానల్‌, ఫోర్‌బే, పంప్‌హౌస్‌, లింక్‌ కెనాల్‌ నిర్మాణం కోసం విస్తృతంగా తవ్వకాలు జరిగాయని వివరించింది.

డీపీఆర్‌లో 12 సొరంగాలు పేర్కొంటే పది సొరంగాల తవ్వకాలు జరిగాయని, నిర్మాణ కార్యక్రమాల కోసం రెండు బ్యాచింగ్‌ ప్లాంట్లు నెలకొల్పారని, అక్కడ ఇసుక, కంకర నిల్వ చేశారని, కొన్ని షెడ్లు వేశారని ప్రస్తావించింది. నేషనల్ గ్రీన్ ట్రైబ్యునల్ (ఎన్జీటీ) ఆదేశాల మేరకు రాయలసీమ ఎత్తిపోతల పథకం పనులు జరుగుతున్న ప్రదేశాన్ని కేఆర్‌ఎంబీ సభ్య కార్యదర్శి, కమిటీ కన్వీనర్‌ డీఎం రాయిపూరే, సభ్యులు(పవర్‌) ఎల్‌బీ ముత్తంగ్‌, నిపుణుడు దర్పణ్‌తల్వార్‌లతో కూడిన ప్రతినిధి బృందం  సందర్శించింది.

మొత్తం 12 పేజీల సమగ్ర నివేదికను రూపొందించి, పనులు ఎంత మేర జరిగాయో వివరించే విధంగా సేకరించిన ఫొటోలను దానికి జత చేసి ఎన్జీటీకి సమర్పించింది. తమ బృందం తనిఖీల సమయంలో ఎటువంటి పనులూ జరగడం లేదని చెప్పింది. డీపీఆర్‌ తయారీకి భూసార పరీక్షలు, ఇతరత్రా తవ్వకాలు జరగాల్సి ఉండగా, అవసర మైన దానికన్నా ఎక్కువే పనులు జరిగాయని స్పష్టం చేసింది. పర్యావరణ అనుమతులు లేకుండా రాయలసీమ ప్రాజెక్టు పనులు చేపట్టవద్దని ఎన్జీటీ ఆదేశాలను ఏపీ ప్రభుత్వం ఉల్లంఘించిందని నారాయణపేట జిల్లాకు చెందిన గవినోళ్ల శ్రీనివాస్‌ కోర్టు ధిక్కారణ పిటిషన్ దాఖలు చేశారు. దీనిపై విచారణ చేపట్టిన ఎన్జీటీ ధర్మాసనం కృష్ణా బోర్డు తనిఖీలకు ఆదేశించింది. తనిఖీలు చేపట్టి నివేదిక అందించిన నేపథ్యంలో 16వ తేదీన ఈ నివేదిక ఆధారంగా ఎన్జీటీ విచారణ జరపనుంది. మరిన్ని వార్తలు చదవండి 


SUBSCRIBE TO OUR NEWSLETTER

Join our subscribers to get the latest news, updates & special offers delivered directly in your inbox