న్యూఢిల్లీ :జస్టిస్ ఎన్వి రమణను తదుపరి ప్రధాన న్యాయమూర్తిగా అధ్యక్షుడు రామ్ నాథ్ కోవింద్ నియమించారు. ఆయన ఏప్రిల్ 24న ప్రమాణ స్వీకారం చేయనున్నారు. ఏప్రిల్ 23న పదవీ విరమణ చేయబోయే భారత ప్రధాన న్యాయమూర్తి ఎస్‌ఐ బొబ్డే, జస్టిస్ రమణను తన వారసుడిగా సిఫారసు చేశారు.

ఆగష్టు 27, 1957 న ఆంధ్రప్రదేశ్ కృష్ణ జిల్లాలో ఒక వ్యవసాయ కుటుంబంలో జన్మించిన జస్టిస్ రమణ 2022 ఆగస్టు 26 వరకు అంటు 16 నెలల పాటు దేశ అత్యున్నత న్యాయమూర్తిగా వ్యవహరిస్తారు.జస్టిస్ రమణ ఆంధ్రప్రదేశ్ నుండి భారత రెండవ ప్రధాన న్యాయమూర్తిగా ఉంటారు. జస్టిస్ కె సుబ్బారావు 1966-67 వరకు భారత తొమ్మిదవ ప్రధాన న్యాయమూర్తిగా పనిచేసారు. రమణ జూన్ 27, 2000 న ఆంధ్రప్రదేశ్ హైకోర్టు శాశ్వత న్యాయమూర్తిగా నియమించబడ్డారు. ఆయన మార్చి 10, 2013 నుండి మే 20, 2013 వరకు ఆంధ్రప్రదేశ్ హైకోర్టు ప్రధాన న్యాయమూర్తిగా పనిచేశారు.2014 లో  సుప్రీంకోర్టులో న్యాయమూర్తిగా  పనిచేసారు.

జమ్మూ కాశ్మీర్‌లో ఇంటర్నెట్‌ను నిలిపివేయడాన్ని వెంటనే సమీక్షించాలని తీర్పునిచ్చిన ధర్మాసనంలో జస్టిస్ రమణ వున్నారు. ప్రధాన న్యాయమూర్తి కార్యాలయం సమాచార హక్కు (ఆర్టీఐ) చట్టం పరిధిలోకి వస్తుందని అభిప్రాయపడిన న్యాయమూర్తుల ప్యానెల్‌లో ఆయన కూడా ఒకరు.

చారిత్రాత్మక అయోధ్య తీర్పుతో సహా పలు కీలక కేసుల్లో భాగమైన జస్టిస్ బొబ్డే, జస్టిస్ (రిటైర్డ్) రంజన్ గొగోయ్ తరువాత 2019 నవంబర్‌లో భారత 47 వ ప్రధాన న్యాయమూర్తిగా ప్రమాణ స్వీకారం చేశారు. అయోధ్య తీర్పు దశాబ్దాల నాటి వివాదాన్ని ముగించి రామ్ ఆలయం నిర్మాణానికి మార్గం సుగమం చేసింది. మరిన్ని వార్తలు చదవండి