Maruti Suzuki E Vitara Crash Test: మారుతి సుజుకి భారతదేశంలో ప్రముఖ కార్ల తయారీ సంస్థ. కంపెనీ దేశీయ విపణిలో సరికొత్త ‘ఈ-విటారా’ ఎలక్ట్రిక్ ఎస్‌యూవీని విడుదల చేసేందుకు సన్నాహాలు చేస్తోంది. గత నెలలో న్యూఢిల్లీలో ప్రారంభమైన భారత్ మొబిలిటీ గ్లోబల్ ఎక్స్‌పోలో కూడా ఇదే కారును ప్రదర్శించారు. అన్నీ అనుకున్నట్లు జరిగితే వచ్చే నెల (మార్చి)లో కొత్త ఈ-వితారాను గ్రాండ్‌గా లాంచ్ చేసే అవకాశం ఉంది. ప్రస్తుతం కొత్త మారుతి సుజుకి ఈ విటారా క్రాష్ టెస్ట్‌కు సంబంధించిన వివిధ ఫోటోలు సోషల్ మీడియాలో వైరల్‌గా మారాయి. కంపెనీ ఇంకా ఈ కారును భారత్ NCAP లేదా గ్లోబల్ NCAP టెస్ట్‌కు రాలేదు. ఇది కంపెనీ స్థాయిలో జరుగుతున్న అంతర్గత పరీక్ష మాత్రమే.
మారుతి ఈ విటారా ఎలక్ట్రిక్ ఎస్‌యూవీ భారతదేశంలోనే కాకుండా అనేక విదేశీ మార్కెట్లలో విక్రయించే అవకాశం ఉన్నందున మంచి సేఫ్టీ రేటింగ్ లభిస్తుందని భావిస్తున్నారు. కొత్త కారులో ప్రయాణీకులకు మరింత రక్షణ కల్పించేందుకు గరిష్ట భద్రతా ఫీచర్లు ఉన్నాయి.
హైలైట్‌లలో 7-ఎయిర్‌బ్యాగ్‌లు, యాంటీలాక్ బ్రేకింగ్ సిస్టమ్, ఎలక్ట్రానిక్ బ్రేక్‌ఫోర్స్ డిస్ట్రిబ్యూషన్, లెవెల్-2 అడ్వాన్స్‌డ్ డ్రైవర్ అసిస్టెన్స్ సిస్టమ్స్, ఫ్రంట్ అండ్ రియర్ పార్కింగ్ సెన్సార్‌లు, టైర్ ప్రెజర్ మానిటరింగ్ సిస్టమ్, డిస్క్ 360 డిసి కెమెరా ఉన్నాయి.
కొత్త మారుతి సుజుకి ఈ విటారా ఎక్స్‌టీరియర్ డిజైన్ చాలా ఆకర్షణీయంగా ఉంటుంది. ఇందులో 49 కిలోవాట్, 61 కిలోవాట్ సామర్థ్యం గల రెండు బ్యాటరీ ప్యాక్స్ ఉన్నాయి. ఫుల్ ఛార్జింగ్ పెడితే 500 కిలోమీటర్ల రేంజ్ (మైలేజీ) ఇవ్వగలదని చెబుతున్నారు.
ఈ కారులో అనేక అధునాతన ఫీచర్లు ఉన్నాయి. 10.25-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 10.1-అంగుళాల డిజిటల్ డ్రైవర్ డిస్‌ప్లే, ఆటో ఏసీ, యాంబియంట్ లైటింగ్, 10-వే పవర్డ్ డ్రైవర్ సీటు, వెంటిలేటెడ్ ఫ్రంట్ సీట్లు, వైర్‌లెస్ ఫోన్ ఛార్జర్, పనోరమిక్ సన్‌రూఫ్ వంటి అనేక ఫీచర్స్ ఉన్నాయి.
కొత్త మారుతి సుజుకి ఈ-వితారా ఎస్‌యూవీ ధర రూ. 17 లక్షల నుండి రూ. 22.50 లక్షల (ఎక్స్-షోరూమ్) మధ్య ఉండవచ్చని అంచనా. అదనంగా కారులో 5-సీట్ ఆప్షన్ సిస్టమ్ ఉంది. కాబట్టి ప్రయాణికులు సులభంగా ప్రయాణించవచ్చు. నెక్సా బ్లూ, గ్రాండియర్ గ్రే, స్ప్లెండిడ్ సిల్వర్, ఆర్కిటిక్ వైట్, ఓపులెంట్ రెడ్, బ్లూయిష్ బ్లాక్ వంటి కలర్స్‌లో కొనుగోలు చేయడానికి అందుబాటులో ఉంటుంది.