Maruti Grand Vitara CNG Discontinued: దేశంలోని అతిపెద్ద ఆటోమొబైల్ కంపెనీ మారుతి సుజుకి, ప్రజల అవసరాలను దృష్టిలో ఉంచుకుని తన వాహనాల్లో వివిధ మార్పులు చేస్తూనే ఉంది. ఆ కంపెనీ మార్కెట్లో అన్ని రకాల వాహనాలను కూడా విడుదల చేస్తుంది. ఇప్పుడు మారుతి సుజుకి తన ప్రసిద్ధ మిడ్-సైజ్ ఎస్‌యూవీ గ్రాండ్ విటారా సీఎన్‌జీ వెర్షన్‌ను నిలిపివేస్తున్నట్లు ప్రకటించింది. ఇప్పుడు ఈ కారు పెట్రోల్, హైబ్రిడ్ ఎంపికలతో మాత్రమే మార్కెట్లో అందుబాటులో ఉంటుంది. దీని వెనుక ఉన్న ముఖ్యమైన కారణం ఏమిటో తెలుసుకుందాం..?
మారుతి సుజుకి గత వారం 8 ఏప్రిల్ 2025న తన గ్రాండ్ విటారా ధరలను పెంచింది. కంపెనీ ఈ కారు ధరను రూ.41 వేల వరకు పెంచింది. దీనితో పాటు, కంపెనీ తన CNG వేరియంట్‌ను కూడా నిలిపివేస్తున్నట్లు ప్రకటించింది. మార్కెట్లో గ్రాండ్ విటారా డెల్టా, జీటా వేరియంట్లలో సీఎన్‌జీ ఇంజిన్ అందించింది.
Maruti Grand Vitara CNG Milege
ఈ కారుకు 1.5 లీటర్ CNG ఇంజిన్‌ను అందించారు, ఇది 88 పిఎస్ పవర్,122 న్యూటన్ మీటర్ టార్క్‌ను ఉత్పత్తి చేస్తుంది. మైలేజ్ గురించి చెప్పాలంటే, ఈ మారుతి ఎస్‌యూవీ ఒక కిలో CNGతో 26.60 కి.మీ మైలేజీని ఇస్తుంది. మీడియా నివేదికల ప్రకారం, డిమాండ్ తక్కువగా ఉండటం వల్ల CNG వేరియంట్‌ను నిలిపివేస్తున్నట్లు కంపెనీ ప్రకటించింది, అయితే మారుతి సుజుకి ఎటువంటి అధికారిక సమాచారం విడుదల చేయలేదు.
సమాచారం ప్రకారం.. ఇప్పుడు మీరు గ్రాండ్ విటారా ఎస్‌యూవీని పెట్రోల్,బలమైన హైబ్రిడ్ వేరియంట్లలో కొనుగోలు చేయవచ్చు. ఈ కారు ఎక్స్-షోరూమ్ ధర రూ.11.42 లక్షలు. దాని టాప్ మోడల్ ధర రూ. 20.68 లక్షలు ఎక్స్-షోరూమ్ . ఈ కారు మొత్తం 18 వేరియంట్లు మార్కెట్లో అందుబాటులో ఉన్నాయి. ఈ కారు మార్కెట్లో అమ్ముడవుతున్న టయోటా అర్బన్ క్రూయిజర్ హైరైడర్, హోండా ఎలివేట్, హ్యుందాయ్ క్రెటా, కియా సెల్టోస్, ఎంజి ఆస్టర్ వంటి ఇతర కంపెనీల కార్లకు గట్టి పోటీనిచ్చే శక్తిని కలిగి ఉంది.