2025 Aerox 155 Version S Launched: యమహా ఇండియా తన ‘ది కాల్ ఆఫ్ ది బ్లూ’ క్యాంపెయిన్‌లో భాగంగా ఏరోక్స్ 155 వెర్షన్ S 2025 వెర్షన్‌ను విడుదల చేసింది. కంపెనీ దీనిని కొత్త కలర్, అప్‌డేట్ గ్రాఫిక్స్‌తో విడుదల చేసింది. ఇప్పుడు ఈ మ్యాక్సీ-స్పోర్ట్స్ స్కూటర్ చాలా బాగుంది. పట్టణ యువత మారుతున్న అభిరుచులను దృష్టిలో ఉంచుకుని దీనిని రూపొందించారు. కొత్త ఏరోక్స్ 155 వెర్షన్ S ఇప్పుడు రేసింగ్ బ్లూ, సరికొత్త ఐస్ ఫ్లూ వెర్మిలియన్ షేడ్‌లో వస్తుంది, ఇది దాని స్పోర్టి, డైనమిక్ అప్పీల్‌ను మరింత పెంచుతుంది.
యమహా ఏరోక్స్ 155 కొత్త వెర్షన్ యమహా రేసింగ్ DNA ని ప్రదర్శించే రిఫ్రెష్డ్ సైడ్ ఫెయిరింగ్ గ్రాఫిక్స్‌ను కలిగి ఉంది, అదే సమయంలో ఏరోక్స్‌ను విభిన్నంగా చేసే దూకుడు, ఏరోడైనమిక్ డిజైన్‌ను నిలుపుకుంది. వీటితో పాటు, మెటాలిక్ బ్లాక్ కలర్ ఫీచర్లతో పాటు స్టాండర్డ్ వేరియంట్‌లో అందించారు. యమహా స్మార్ట్ కీ సిస్టమ్‌తో కూడిన S మోడల్ అదనపు ఫీచర్లు , భద్రతను అందిస్తుంది.
ఏరోక్స్ 155 VVA టెక్నాలజీతో కూడిన 155cc లిక్విడ్-కూల్డ్, 4-స్ట్రోక్ SOHC ఇంజిన్‌తో వచ్చింది. ఈ ఇంజిన్ 14.75బిహెచ్‌పి పవర్, 13.9ఎన్ఎమ్ టార్క్‌ను ఉత్పత్తి చేస్తుంది. ఇది మెరుగైన రైడ్ క్వాలిటీ, కంట్రోల్ కోసం ట్రాక్షన్ కంట్రోల్ సిస్టమ్ (TCS), యాంటి లాకింగ్ బ్రేకింగ్ సిస్టమ్,ట్విన్ రియర్ షాక్ అబ్జార్బర్‌లను కూడా కలిగి ఉంది. అరోక్స్ లైనప్‌లోని అన్ని మోడళ్లు ఇప్పుడు OBD-2Bకి అనుగుణంగా ఉన్నాయి, తాజా ఉద్గార నిబంధనలకు అనుగుణంగా అప్‌డేట్ అయ్యాయి.
చివరగా, దీని ధర గురించి మాట్లాడుకుంటే, రేసింగ్ బ్లూ, సరికొత్త ఐస్ ఫ్లూ వెర్మిలియన్ షేడ్ ధర 1,53,430 రూపాయలు, మెటాలిక్ బ్లాక్ వేరియంట్ ధర 1,50,130 రూపాయలు. ఏరోక్స్ 155 వెర్షన్ S భారతదేశం అంతటా యమహా బ్లూ స్క్వేర్ షోరూమ్‌ల ద్వారా ప్రత్యేకంగా లభిస్తుంది.