Breaking News

మోదీ కాలర్ పట్టుకోనక్కర్లేదు.. కోర్టు కెడితే చాలు జగన్ కు ఉండవల్లి సూచన

29 th Oct 2020, UTC
మోదీ కాలర్ పట్టుకోనక్కర్లేదు.. కోర్టు కెడితే చాలు జగన్ కు ఉండవల్లి సూచన

ఆంధ్రప్రదేశ్ :పోలవరం ప్రాజెక్ట్‌పై కేంద్రం మాట మారుస్తున్నప్పుడు ప్రభుత్వం ఎందుకు కౌంటర్‌ దాఖలు చేయడం లేదని మాజీ ఎంపీ ఉండవల్లి అరుణ్ కుమార్ ప్రశ్నించారు. గురువారం ఆయన మీడియాతో మాట్లాడుతూ  రాష్ట్రంలో జగన్ ప్రభుత్వం అధికారంలోకి వచ్చిన ఏడాదిన్నర దాటింది. ఈ ప్రాజెక్టు విషయమై సీఎం ఎందుకు నోరు మెదపడం లేదన్నారు. పార్లమెంట్‌లో చట్టం చేశాక కేబినెట్ మీటింగ్ లో అంచనా వ్యయం తగ్గించడానికి వీల్లేదు అన్నారు.జగన్ ప్రధాని మోదీ కాలర్ పట్టుకోనక్కర్లేదు. కోర్టులో కేసు వేస్తే చాలు అన్నారు. చట్టం అమలు చేయట్లేదని ఎందుకు కేసు వేయరని ప్రశ్నించారు. జగన్‌ కేసుల గురించే ప్రధాని మోదీ దగ్గర పోలవరం విషయం ఎత్తడం లేదన్నారు. కేసుల నుంచి తప్పించుకునేందుకు రాష్ట్ర ప్రయోనాలను తాకట్టుపెడతారా? నిజం మాట్లాడుతున్నాడనుకుని జగన్‌కు రాష్ట్ర ప్రజలకు భారీ విజయాన్ని అందించారన్నారు. కేసులు ఉండటం వల్లే మోదీని ప్రశ్నించేందుకు జగన్ భయపడుతున్నారన్న ప్రచారం జనంలో ఉందన్నారు. అన్నిటికి చంద్రబాబును విమర్శిస్తున్నారని, ప్రజలు 151 సీట్లు ఇచ్చింది చంద్రబాబును విమర్శించడానికి కాదన్నారు.

జనాలు 51 శాతం ఓట్లు ఇచ్చి గెలిపించిన ప్రజలు జగన్ ధైర్యంగా మాట్లాడతారని భావించారన్నారు అరుణ్ కుమార్. జగన్‌కు ఉన్న ఆ ధైర్యం ఏమైందని ప్రశ్నించారు. పోరాటంతో వచ్చి ముఖ్యమంత్రి అయ్యారు. పోలవరం ప్రాజెక్టు విషయంలో రాజశేఖరరెడ్డి కొడుకు కాంప్రమైజ్ అయితే ఈ ప్రభుత్వం ఎందుకన్నారు. జగన్ ప్రభుత్వం రాగానే పోలవరం ప్రాజెక్ట్ నిర్మాణ బాధ్యతల నుంచి తప్పుకుంటుందని భావించానని, టీడీపీ హయాంలో జగన్ పాదయాత్ర చేసినప్పుడు అదే పనిగా విమర్శించారు. ఇప్పుడెందుకు నోరు మెదపట్లేదన్నారు. కేవీపీ కోర్టులో వేసిన పిటిషన్‌పై వైసీపీ ప్రభుత్వం అఫిడవిట్ దాఖలు చేయాలని, చట్టం ప్రకారం కేంద్ర ప్రభుత్వమే పోలవరం ప్రాజెక్టు పూర్తి చేయాలన్నారు. కేసులు నుంచి బయటపడేందుకు జగన్ మౌనంగా ఉంటే ప్రజలు క్షమించరు. కేసులు విషయంలో వెంటనే శిక్ష పడదని, ఒకవేళ జైలుకి వెళ్లినా ఆయన చెప్పిన వ్యక్తి రాష్ట్రంలో ముఖ్యమంత్రి అవుతారన్నారు. పోలవరం ప్రాజెక్టు పరిస్థితి ఇలా అవుతుందని ఎప్పుడు అనుకోలేదని, రిజర్వాయర్‌ కట్టేందుకు అవకాశం ఉన్న ప్రాంతం పోలవరం అని, రిజర్వాయర్‌కు ముంపు ప్రాంతం ఉంటుందన్నారు. భూసేకరణ లేకుండా ప్రాజెక్ట్‌ నిర్మాణమే జరగదని, పోలవరం నిర్మించాలని విభజన చట్టంలోనే ఉందన్న విషయాన్ని ఆయన గుర్తు చేశారు.

పోలవరం ఫైనాన్షియల్‌ ప్యాకేజీ గురించి పార్లమెంట్‌లో వెంకయ్యనాయుడు మాట్లాడారని ఉండవల్లి  తెలిపారు. పోలవరం ప్రాజెక్ట్‌, భూసేకరణ వ్యయం భరిస్తామని ఆనాడు కేంద్ర మంత్రి షిండే కూడా హామీ ఇచ్చారని.. పోలవరం పూర్తి చేస్తామని బీజేపీ నేతలు కూడా హామీ ఇచ్చిన విషయాన్ని గమనించాలన్నారు. వైఎస్సార్‌సీపీ అధికారంలోకి వచ్చాక రాజ్యసభలో పోలవరం ప్రాజెక్ట్‌పై చర్చ జరిగిన సమయంలో.. రూ. 55 వేల 587 కోట్లకు ఆమోదించినట్లు నాటి కేంద్రమంత్రి కటారియా ప్రకటించారని.. ప్రధాని మోదీ ఒకలా చెబితే.. కేంద్రమంత్రి మరోలా చెప్పారన్నారు. ఎన్నికల ముందు రాజమండ్రి ప్రచారసభలో మోదీ చంద్రబాబుకు పోలవరం ఏటీఎంలా మారిందని చెప్పారని, ఆ తర్వాత అప్పటి జలశక్తి మంత్రి కటారియా పార్లమెంటులో పోలవరంలో ఎలాంటి అవకతవకలు జరగలేదని ప్రకటించిన విషయాన్ని గుర్తు చేశారు. మరిన్ని వార్తలు చదవండి.
 

మోదీ కాలర్ పట్టుకోనక్కర్లేదు.. కోర్టు కెడితే చాలు జగన్ కు ఉండవల్లి సూచన

29 th Oct 2020, UTC
మోదీ కాలర్ పట్టుకోనక్కర్లేదు.. కోర్టు కెడితే చాలు జగన్ కు ఉండవల్లి సూచన

ఆంధ్రప్రదేశ్ :పోలవరం ప్రాజెక్ట్‌పై కేంద్రం మాట మారుస్తున్నప్పుడు ప్రభుత్వం ఎందుకు కౌంటర్‌ దాఖలు చేయడం లేదని మాజీ ఎంపీ ఉండవల్లి అరుణ్ కుమార్ ప్రశ్నించారు. గురువారం ఆయన మీడియాతో మాట్లాడుతూ  రాష్ట్రంలో జగన్ ప్రభుత్వం అధికారంలోకి వచ్చిన ఏడాదిన్నర దాటింది. ఈ ప్రాజెక్టు విషయమై సీఎం ఎందుకు నోరు మెదపడం లేదన్నారు. పార్లమెంట్‌లో చట్టం చేశాక కేబినెట్ మీటింగ్ లో అంచనా వ్యయం తగ్గించడానికి వీల్లేదు అన్నారు.జగన్ ప్రధాని మోదీ కాలర్ పట్టుకోనక్కర్లేదు. కోర్టులో కేసు వేస్తే చాలు అన్నారు. చట్టం అమలు చేయట్లేదని ఎందుకు కేసు వేయరని ప్రశ్నించారు. జగన్‌ కేసుల గురించే ప్రధాని మోదీ దగ్గర పోలవరం విషయం ఎత్తడం లేదన్నారు. కేసుల నుంచి తప్పించుకునేందుకు రాష్ట్ర ప్రయోనాలను తాకట్టుపెడతారా? నిజం మాట్లాడుతున్నాడనుకుని జగన్‌కు రాష్ట్ర ప్రజలకు భారీ విజయాన్ని అందించారన్నారు. కేసులు ఉండటం వల్లే మోదీని ప్రశ్నించేందుకు జగన్ భయపడుతున్నారన్న ప్రచారం జనంలో ఉందన్నారు. అన్నిటికి చంద్రబాబును విమర్శిస్తున్నారని, ప్రజలు 151 సీట్లు ఇచ్చింది చంద్రబాబును విమర్శించడానికి కాదన్నారు.

జనాలు 51 శాతం ఓట్లు ఇచ్చి గెలిపించిన ప్రజలు జగన్ ధైర్యంగా మాట్లాడతారని భావించారన్నారు అరుణ్ కుమార్. జగన్‌కు ఉన్న ఆ ధైర్యం ఏమైందని ప్రశ్నించారు. పోరాటంతో వచ్చి ముఖ్యమంత్రి అయ్యారు. పోలవరం ప్రాజెక్టు విషయంలో రాజశేఖరరెడ్డి కొడుకు కాంప్రమైజ్ అయితే ఈ ప్రభుత్వం ఎందుకన్నారు. జగన్ ప్రభుత్వం రాగానే పోలవరం ప్రాజెక్ట్ నిర్మాణ బాధ్యతల నుంచి తప్పుకుంటుందని భావించానని, టీడీపీ హయాంలో జగన్ పాదయాత్ర చేసినప్పుడు అదే పనిగా విమర్శించారు. ఇప్పుడెందుకు నోరు మెదపట్లేదన్నారు. కేవీపీ కోర్టులో వేసిన పిటిషన్‌పై వైసీపీ ప్రభుత్వం అఫిడవిట్ దాఖలు చేయాలని, చట్టం ప్రకారం కేంద్ర ప్రభుత్వమే పోలవరం ప్రాజెక్టు పూర్తి చేయాలన్నారు. కేసులు నుంచి బయటపడేందుకు జగన్ మౌనంగా ఉంటే ప్రజలు క్షమించరు. కేసులు విషయంలో వెంటనే శిక్ష పడదని, ఒకవేళ జైలుకి వెళ్లినా ఆయన చెప్పిన వ్యక్తి రాష్ట్రంలో ముఖ్యమంత్రి అవుతారన్నారు. పోలవరం ప్రాజెక్టు పరిస్థితి ఇలా అవుతుందని ఎప్పుడు అనుకోలేదని, రిజర్వాయర్‌ కట్టేందుకు అవకాశం ఉన్న ప్రాంతం పోలవరం అని, రిజర్వాయర్‌కు ముంపు ప్రాంతం ఉంటుందన్నారు. భూసేకరణ లేకుండా ప్రాజెక్ట్‌ నిర్మాణమే జరగదని, పోలవరం నిర్మించాలని విభజన చట్టంలోనే ఉందన్న విషయాన్ని ఆయన గుర్తు చేశారు.

పోలవరం ఫైనాన్షియల్‌ ప్యాకేజీ గురించి పార్లమెంట్‌లో వెంకయ్యనాయుడు మాట్లాడారని ఉండవల్లి  తెలిపారు. పోలవరం ప్రాజెక్ట్‌, భూసేకరణ వ్యయం భరిస్తామని ఆనాడు కేంద్ర మంత్రి షిండే కూడా హామీ ఇచ్చారని.. పోలవరం పూర్తి చేస్తామని బీజేపీ నేతలు కూడా హామీ ఇచ్చిన విషయాన్ని గమనించాలన్నారు. వైఎస్సార్‌సీపీ అధికారంలోకి వచ్చాక రాజ్యసభలో పోలవరం ప్రాజెక్ట్‌పై చర్చ జరిగిన సమయంలో.. రూ. 55 వేల 587 కోట్లకు ఆమోదించినట్లు నాటి కేంద్రమంత్రి కటారియా ప్రకటించారని.. ప్రధాని మోదీ ఒకలా చెబితే.. కేంద్రమంత్రి మరోలా చెప్పారన్నారు. ఎన్నికల ముందు రాజమండ్రి ప్రచారసభలో మోదీ చంద్రబాబుకు పోలవరం ఏటీఎంలా మారిందని చెప్పారని, ఆ తర్వాత అప్పటి జలశక్తి మంత్రి కటారియా పార్లమెంటులో పోలవరంలో ఎలాంటి అవకతవకలు జరగలేదని ప్రకటించిన విషయాన్ని గుర్తు చేశారు. మరిన్ని వార్తలు చదవండి.
 

SUBSCRIBE TO OUR NEWSLETTER

Join our subscribers to get the latest news, updates & special offers delivered directly in your inbox