Kakinada: కాకినాడ జిల్లాలో గన్‎తో కాల్చుకుని ఎస్సై ఆత్మహత్య చేసుకోవడం కలకలం రేపింది. కాకినాడ రూరల్ సర్పవరం పోలీస్ స్టేషన్‎లో విధులు నిర్వహిస్తున్న ఎస్సై గోపాల కృష్ణ గన్‎తో కాల్చుకుని ఆత్మహత్య చేసుకున్నాడు. గురువారం సీఎం బందోబస్తు కి వెళ్ళి వచ్చిన ఎస్సై గోపాలకృష్ణ రాత్రి ఇంట్లో గన్‎తో కాల్చుకున్నాడు. గోపాలకృష్ణది విజయవాడ దగ్గర జగ్గయ్య చెరువు. 

2014 సంవత్సరం బ్యాచ్‎లో ఎస్ఐగా సెలక్ట్ అయ్యారు. ఈ రోజు తెల్లవారుజామున 5 గంటలకు గదిలో పిల్లలు, భార్య నిద్రిస్తుండగా హాల్లో గన్‎ తో కాల్చుకుని ఆత్మహత్యకు పాల్పడడం విషాదం నింపింది. ఆయనకు భార్య ఇద్దరు పిల్లలు ఉన్నారు. అధికారులు గన్ మిస్ ఫైర్ జరిగి మృతిచెందారని చెప్తున్నారు. పోలీసులు కేసు నమోదు చేసి దర్యాప్తు జరుపుతున్నారు.