ఆంధ్రప్రదేశ్ : కమ్మకులంలో పుట్టాలని మేం దేవుడిని కోరుకున్నామా? కమ్మవారిగా పుట్టినందుకు బానిసలుగా ఉండాలా? అని టీడీపీ నేత రాజేంద్రప్రసాద్‌ ప్రశ్నించారు. కమ్మకులంలో పుడితే టార్గెట్‌ చేయడం మంచిదికాదన్నారు. 

 

వైఎస్ వివేకానందరెడ్డిని ఎవరు హత్య చేశారన్న విషయం కడప, పులివెందుల వాళ్లకు, ప్రజలకు బాగా తెలుసునని అన్నారు. వివేకానంద హత్య జరిగి ఏడాది అయిందని, జగన్ అధికారంలోకి వచ్చి ఏం చేశారని ప్రశ్నించారు. రమేష్ ఆస్పత్రి వ్యవహారంలో 10 పోలీస్ బృందాలను ఏర్పాటు చేసి అత్యుత్సాహం ప్రదర్శించారని మరి వివేకానంద రెడ్డి విషయంలో ఎందుకు స్పందించలేదని ముఖ్యమంత్రిని ఆయన  ప్రశ్నించారు. 

 

ఎల్జీపాలిమర్స్ కేసులో ప్రభుత్వం తూతూ మంత్రంగా విచారణ జరిపిందని, పూర్తి స్థాయిలో సోదాలు ఎందుకు చేయలేదని రాజేంద్రప్రసాద్‌ ప్రశ్నించారు. రమేష్ ఆస్పత్రి వ్యవహారంలో మహిళలను పోలీస్ స్టేషన్లకు పిలిపించి విచారణ జరుపుతున్నారని, మిగతా కేసుల విషయంలో ఇలా ఎందుకు చేయడంలేని ఆయన నిలదీశారు. మరిన్ని వార్తలు చదవండి  ( విద్యాసంస్దల స్దలాల్లో ఇళ్లపట్టాలు ఇవ్వద్దు... ఏపీ సర్కార్ కు హైకోర్టు ఆదేశాలు.! )