తాజాగా, జనసేన పార్టీ కొత్త నినాదాన్ని ప్రారంభించారు. స్వదేశీ ఉత్పత్తుల్ని ప్రోత్సహించాలని జనసేనాని పవన్ కళ్యాణ్ పిలుపునిచ్చారు. రేపు వినాయక చవితిని పునస్కరించుకుని, ఈ నినాదాన్ని ముందుకు తీసుకెళ్ళబోతున్నట్లు తెలిపారు. పండుగ కోసం ఏ వస్తువు కొన్నా, అది ఎక్కడ తయారైందో చూడాలని, భారతీయ ఉత్పత్తుల గిరాకీ పెంచడమే ఈ నినాదం లక్ష్యమని పవన్ పేర్కొన్నారు. ‘ఆత్మ నిర్భర్‌ భారత్‌’ నినాదం ఎదో ఒక వర్గానికి చెందినది కాదని, దేశ ప్రజలందరికి సంబంధించిందని జనసేనాని పేర్కొన్నారు. "మన ఉత్పత్తి, మన ఉపాధి, మన అభివృద్ధి.’ ఇదే ‘ఆత్మనిర్భర భారత్‌’" అని జనసేనాని పిలుపునిచ్చారు. ఈ వినాయక చవితి పండుగ నుంచే ఈ నినాదాన్ని ప్రజల్లోకి తీసుకెళ్లాలని, ఈ విషయమై అందరికి అవగాహనా కలిగించాలని బీజేపీ, జనసేన పార్టీ లు నిర్ణయించామని పవన్ కళ్యాణ్ పేర్కొన్నారు. మరిన్ని వార్తలు చదవండి.