Breaking News

టీటీడీ లో 743 మందికి కరోనా పాజిటివ్..

09 th Aug 2020, UTC
టీటీడీ లో 743 మందికి కరోనా పాజిటివ్..
 
ఆంధ్రప్రదేశ్ : తిరుమల తిరుపతి దేవస్థానం (టీటీడీ)లో ఇప్పటి వరకు 743 మందికి కరోనా పాజిటివ్ అని నిర్ధారణ అయిందని ఆలయ ఈవో అనిల్ కుమార్ సింఘాల్ వెల్లడించారు. టీటీడీ ఉద్యోగుల్లో ఇప్పటి వరకు 743 మందికి కరోనా సోకిందని, వీరిలో దాదాపు 400 మంది మహమ్మారిని జయించి నగరంలోని పలు ఆస్పత్రుల నుంచి డిశ్చార్జి అయ్యారని వెల్లడించారు. ఇంకా కోవిడ్ కేంద్రాల్లో 338 మంది చికిత్స పొందుతున్నారని వివరించారు. అలాగే కోవిడ్‌తో ఐదుగురు టీటీడీ ఉద్యోగులు మృతి చెందారని చెప్పారు.
 
గత జూలైలో హుండీ ఆదాయం రూ. 16 కోట్లు రాగా, ఈ-హుండీ ద్వారా రూ. 3 కోట్ల ఆదాయం వచ్చిందని ఈవో సింఘాల్ వెల్లడించారు. టీటీడీ వార్షిక బడ్జెట్ రూ. 3,200 కోట్లు కాగా, ఇందులో రూ. 1,350 కోట్లు కేవలం జీతాలకే ఖర్చు అవుతుందన్నారు. ప్రస్తుతం నెలకు రూ. 150 కోట్ల నుంచి రూ. 200 కోట్ల వరకు ఖర్చు అవుతోందన్నారు. ఇప్పటి వరకు కార్పస్ ఫండ్ నుంచి ఎలాంటి నిధులు తీసుకోవటం లేదని వెల్లడించారు. భవిష్యత్తులో టీటీడీ బోర్డులో చర్చించి నిర్ణయం తీసుకుంటామన్నారు.
 
ఆగస్టు నెలాఖరు తర్వాత కేంద్ర, రాష్ట్ర ప్రభుత్వాలు ఇచ్చే అన్ లాక్ నిబంధనలను బట్టి శ్రీవారి బ్రహ్మోత్సవాలను ఏకాంతంగానే నిర్వహించాలా? భక్తుల భాగస్వామ్య ఉండాలా? అనే అంశంపై టీటీడీ పాలకమండలిలో చర్చించి నిర్ణయం తీసుకుంటామని వెల్లడించారు. తిరుమల శ్రీవారి కల్యాణోత్సవాలను ఆపాలని అర్చకులెవరూ తమతో చర్చించలేదని స్పష్టం చేశారు. అర్చకులు ఏ సలహా ఇచ్చినా తాము సీరియస్‌గానే స్పందిస్తామన్నారు.
 
 ఇప్పటి వరకు పాజిటివ్ వచ్చిన అర్చకుల్లో ఎక్కువ మంది తిరిగి డ్యూటీలకు అటెండ్ అవుతున్నారన్నారు. దీర్ఘకాలిక ఆరోగ్య సమస్యలున్న అర్చకులకు మాత్రం తిరుమలలో విధులు ఇవ్వవద్దని ప్రధానార్చకులకు చెప్పినట్లు వెల్లడించారు. అర్చకులను ఇబ్బందులకు గురిచేసి దర్శనాలు చేయించాలనే ఆలోచన టీటీడీకి లేదని ఈవో అనిల్ కుమార్ తేల్చి చెప్పారు. మరిన్ని వార్తలు చదవండి.

టీటీడీ లో 743 మందికి కరోనా పాజిటివ్..

09 th Aug 2020, UTC
టీటీడీ లో 743 మందికి కరోనా పాజిటివ్..
 
ఆంధ్రప్రదేశ్ : తిరుమల తిరుపతి దేవస్థానం (టీటీడీ)లో ఇప్పటి వరకు 743 మందికి కరోనా పాజిటివ్ అని నిర్ధారణ అయిందని ఆలయ ఈవో అనిల్ కుమార్ సింఘాల్ వెల్లడించారు. టీటీడీ ఉద్యోగుల్లో ఇప్పటి వరకు 743 మందికి కరోనా సోకిందని, వీరిలో దాదాపు 400 మంది మహమ్మారిని జయించి నగరంలోని పలు ఆస్పత్రుల నుంచి డిశ్చార్జి అయ్యారని వెల్లడించారు. ఇంకా కోవిడ్ కేంద్రాల్లో 338 మంది చికిత్స పొందుతున్నారని వివరించారు. అలాగే కోవిడ్‌తో ఐదుగురు టీటీడీ ఉద్యోగులు మృతి చెందారని చెప్పారు.
 
గత జూలైలో హుండీ ఆదాయం రూ. 16 కోట్లు రాగా, ఈ-హుండీ ద్వారా రూ. 3 కోట్ల ఆదాయం వచ్చిందని ఈవో సింఘాల్ వెల్లడించారు. టీటీడీ వార్షిక బడ్జెట్ రూ. 3,200 కోట్లు కాగా, ఇందులో రూ. 1,350 కోట్లు కేవలం జీతాలకే ఖర్చు అవుతుందన్నారు. ప్రస్తుతం నెలకు రూ. 150 కోట్ల నుంచి రూ. 200 కోట్ల వరకు ఖర్చు అవుతోందన్నారు. ఇప్పటి వరకు కార్పస్ ఫండ్ నుంచి ఎలాంటి నిధులు తీసుకోవటం లేదని వెల్లడించారు. భవిష్యత్తులో టీటీడీ బోర్డులో చర్చించి నిర్ణయం తీసుకుంటామన్నారు.
 
ఆగస్టు నెలాఖరు తర్వాత కేంద్ర, రాష్ట్ర ప్రభుత్వాలు ఇచ్చే అన్ లాక్ నిబంధనలను బట్టి శ్రీవారి బ్రహ్మోత్సవాలను ఏకాంతంగానే నిర్వహించాలా? భక్తుల భాగస్వామ్య ఉండాలా? అనే అంశంపై టీటీడీ పాలకమండలిలో చర్చించి నిర్ణయం తీసుకుంటామని వెల్లడించారు. తిరుమల శ్రీవారి కల్యాణోత్సవాలను ఆపాలని అర్చకులెవరూ తమతో చర్చించలేదని స్పష్టం చేశారు. అర్చకులు ఏ సలహా ఇచ్చినా తాము సీరియస్‌గానే స్పందిస్తామన్నారు.
 
 ఇప్పటి వరకు పాజిటివ్ వచ్చిన అర్చకుల్లో ఎక్కువ మంది తిరిగి డ్యూటీలకు అటెండ్ అవుతున్నారన్నారు. దీర్ఘకాలిక ఆరోగ్య సమస్యలున్న అర్చకులకు మాత్రం తిరుమలలో విధులు ఇవ్వవద్దని ప్రధానార్చకులకు చెప్పినట్లు వెల్లడించారు. అర్చకులను ఇబ్బందులకు గురిచేసి దర్శనాలు చేయించాలనే ఆలోచన టీటీడీకి లేదని ఈవో అనిల్ కుమార్ తేల్చి చెప్పారు. మరిన్ని వార్తలు చదవండి.

SUBSCRIBE TO OUR NEWSLETTER

Join our subscribers to get the latest news, updates & special offers delivered directly in your inbox