Kodali Nani: గుడివాడలో ప్రత్యక్షమైన కొడాలి నాని

Gudivada: మాజీ మంత్రి, వైసీపీ నేత కొడాలి నాని ఇవాళ గుడివాడ వన్ టౌన్ పోలీస్ స్టేషన్ కు వచ్చారు. ముందస్తు బెయిల్ లో భాగంగా కోర్టు షరతుల మేరకు పోలీస్ స్టేషన్ కు వచ్చిన ఆయన సంతకాలు చేశారు. అయితే మాజీ ఎమ్మెల్యే రావి వెంకటేశ్వరరావు వస్త్ర దుకాణంపై దాడి కేసులో కొడాలి నానికి గుడివాడ కోర్టు షరతులతో కూడిన బెయిల్ మంజూరు చేసిన విషయం తెలిసిందే. అందులో భాగంగానే కొడాలి నాని ఇవాళ పీఎస్ కు వచ్చి సంతకాలు చేశారు.

అయితే కొడాలి నానిపై కొంతకాలంగా రకరకాల ప్రచారాలు వచ్చాయి. ఆయన్ను అరెస్టు చేశారని.. రహస్య ప్రాంతంలో ఉంచి విచారణ చేస్తున్నారనే పుకార్లు వ్యాపించాయి. దాంట్లో నిజం లేదని పోలీసులు క్లారిటీ ఇచ్చారు. అయితే సుదీర్ఘ విరామం తర్వాత ఈ మధ్యే కొడాలి నాని గుడివాడలో ప్రత్యక్షమయ్యారు. మాజీ ఎమ్మెల్యే రావి వెంకటేశ్వరరావు వస్త్ర దుకాణంపై దాడి ఘటనపై కొడాలి నాని మీద కేసు నమోదు అయింది. కాగా బెయిల్ కోసం హైకోర్టును ఆశ్రయించారు. దీంతో కింది కోర్టులో బెయిల్ తీసుకోవాలనే హైకోర్టు ఆదేశాలతో.. ష్యూరిటీ పత్రాలు సమర్పించేందుకు గుడివాడ కోర్టుకు హాజరయ్యారు. అందులో భాగంగా గుడివాడ పోలీస్ స్టేషన్ కు వచ్చి సంతకాలు చేసి వెళ్లారు.