తమిళనాడు :త్వరలో జరగబోయే అసెంబ్లీ ఎన్నికలకు సంబంధించి పలు తాయిలాలు ప్రకటిస్తున్న తమిళనాడులోని అధికార అన్నాడీఎంకే సర్కార్ తాజాగా రైతు రుణమాఫీని ప్రకటించింది. 16 లక్షల మంది రైతులు తీసుకున్న వ్యవసాయ రుణాలు మాఫీ అవుతాయని మాఫీ చేయాల్సిన మొత్తం సహకార బ్యాంకుల నుంచి తీసుకున్న వ్యవసాయ రుణాల కోసం, 12,110 కోట్లు అని ముఖ్యమంత్రి ఇ పళనిస్వామి శుక్రవారం అసెంబ్లీలో తెలిపారు. మహమ్మారి, వరుసగా రెండు తుఫానులు మరియు అకాల వర్షం కారణంగా పంట నష్టం మరియు రైతులకు ఇబ్బందులు ఎదురవుతున్నాయని పళనిస్వామి అన్నారు.

తమిళనాడులో వ్యవసాయం ఒక ప్రబలమైన రంగం, జనాభాలో 70 శాతం మంది తమ జీవనోపాధి కోసం వ్యవసాయం మరియు సంబంధిత కార్యకలాపాలలో నిమగ్నమై ఉన్నారని రాష్ట్ర వ్యవసాయ విభాగం తన వెబ్‌సైట్‌లో తెలిపింది. చేసిన వాగ్దానాలను నెరవేర్చే  ఏకైక పార్టీ ఎఐఎడిఎంకె మాత్రమేనని సీఎం పళనిస్వామి అన్నారు మాజీ ముఖ్యమంత్రి ఎం. కరుణానిధి ప్రారంభించిన పథకాన్ని ప్రస్తావిస్తూ డిఎంకె ప్రతి రైతుకు రెండు ఎకరాల భూమిని వాగ్దానం చేసిందని, కాని వాగ్దానాన్ని నిలబెట్టుకోలేదని పళనిస్వామి అన్నారు.

ఎఐఎడిఎంకె, బిజెపి కలిసి వచ్చే అసెంబ్లీ ఎన్నికల్లో పోటీచేయనున్నాయి, 2019  సార్వత్రిక ఎన్నికల్లో  ఈ రెండు పార్టీల కూటమికి ఎదురు దెబ్బ తగిలింది. సార్వత్రిక ఎన్నికల్లో స్వీప్ చేసిన డీఎంకే  రాబోయే అసెంబ్లీ ఎన్నికల్లోనూ అదే జోరు కొనసాగించాలని  భావిస్తోంది, అయితే 20011 నుంచి అధికారంలో వున్న అన్నాడీఎంకే మరోసారి  ప్రజలు తమనే ఆదరిస్తారని ధీమా వ్యక్తం చేస్తోంది. మరోవైపు కమల్ హాసన్ యొక్క మక్కల్ నీది మయం కూడా అసెంబ్లీ ఎన్నికల్లో కొన్ని సీట్లు సాధించాలని చూస్తోంది. రాజకీయాల్లోకి రాకూడదని నిర్ణయించుకున్న నటుడు రజనీకాంత్‌తో ఒప్పందం కుదుర్చుకోవాలని ఆయన  ప్రయత్నిస్తున్నారు.